नेपाल लाइफ इन्स्योरेन्स र बैष्णोदेवी सहकारीबीच बिमा सुरक्षा योजना कार्यान्वयन

अर्थ

गृहपृष्ठ
अर्थ

नेपाल लाइफ इन्स्योरेन्स र बैष्णोदेवी सहकारीबीच बिमा सुरक्षा योजना कार्यान्वयन

जगत राई बुधबार, भदौ ४, २०८२

नेपाल लाइफ इन्स्योरेन्स कम्पनी र बैष्णोदेवी बचत तथा ऋण सहकारी संस्था बीच ऋणी सदस्यहरूलाई लक्षित गर्दै बिमा सुरक्षा योजनाको सम्झौता भएको छ।बुधबार बैष्णोदेवी बचत तथा ऋण सहकारी संस्था लिमिटेडको कार्यालयमा आयोजित औपचारिक कार्यक्रममा सहकारी संस्थाका सूचना अधिकारी दिपेन्द्र श्रेष्ठ र नेपाल लाइफ इन्स्योरेन्सका शाखा प्रमुख प्रमोद प्रसाद साहले सहमति पत्रमा हस्ताक्षर गर्नुभयो। यस अवसरमा सहकारी र इन्स्योरेन्स दुवै पक्षले योजना कार्यान्वयनका उद्देश्य, लाभ र भविष्यका सम्भावनाहरूबारे छलफल गरे।
सहकारीका सूचना अधिकारी दिपेन्द्र श्रेष्ठका अनुसार, सहकारीमार्फत १० हजार देखि २५ लाखसम्म ऋण लिने सदस्यहरूलाई अब बिमा सुरक्षाको सुविधा उपलब्ध हुनेछ। उनले भने, “यस योजनाले ऋणी सदस्यलाई आकस्मिक जोखिमको समयमा सुरक्षा प्रदान गर्ने मात्र नभई उनीहरूको आर्थिक स्थायित्वमा समेत योगदान पुर्‍याउनेछ। हाम्रो उद्देश्य सदस्यहरूको हितमा दीर्घकालीन सुरक्षा सुनिश्चित गर्नु हो।”श्रेष्ठले कार्यक्रम भदौ ४ गतेबाट पूर्ण रूपमा कार्यान्वयनमा आएको छ र यसबाट सहकारीका सदस्यहरूले ऋण लिँदा मनोबल र आत्मविश्वासमा वृद्धिको अनुभव गर्नेछन्।

सम्झौता हस्ताक्षर समारोहमा नेपाल लाइफ इन्स्योरेन्सको बजार प्रवर्द्धन विभागका अमित कुमार राउत, मार्केटिङ म्यानेजर सुरेश कुर्मी, परितोष कुमार द्विवेदी साथै सहकारी संस्थाका अन्य पदाधिकारीहरूको पनि उपस्थिति रहेको थियो। सहभागीहरूले सदस्यहरूको हितमा यस्तो सहकार्य दीर्घकालीन र प्रभावकारी बन्ने विश्वास व्यक्त गरेका थिए।

दुवै पक्षले यस सहकार्यलाई प्रारम्भिक कदमका रूपमा लिएर आगामी दिनमा अझै व्यापक र सदस्यमुखी योजनाहरू ल्याउने प्रतिबद्धता जनाएका छन्। सहकारी संस्थाका अधिकारीहरूले सदस्यहरूको सुझाव, आवश्यकता र प्रतिक्रिया अनुसार योजना सुधार गर्दै अघि बढ्ने बताए।

प्रकाशित मिति: बुधबार, भदौ ४, २०८२ १८:१०

प्रतिक्रिया दिनुहोस्