रुङ्टा वेलफेयर सोसाइटीद्वारा मनियारीका ३०० छठ व्रतालुलाई साडी र आटा वितरण

समाचार

गृहपृष्ठ
समाचार

रुङ्टा वेलफेयर सोसाइटीद्वारा मनियारीका ३०० छठ व्रतालुलाई साडी र आटा वितरण

choicekhabar बिहीबार, कात्तिक २६, २०८३

छठ पर्वको अवसरमा रुङ्टा वेलफेयर सोसाइटी वीरगञ्जले पर्साको मनियारीमा ३०० जना छठ व्रतालु महिलालाई साडी तथा आटा वितरण गरेको छ।सोसाइटीले सामाजिक उत्तरदायित्वअन्तर्गत छठ पर्व मनाउने व्रतालु महिलाहरूलाई पर्वका लागि आवश्यक सामग्री सहयोगस्वरूप वितरण गरेको हो। कार्यक्रममा प्रत्येक महिलालाई २ किलो आटा र एक थान साडी प्रदान गरिएको रुङ्टा वेलफेयर सोसाइटी वीरगञ्जका अध्यक्ष सुरेश रुङ्टाले जानकारी दिए।

कार्यक्रममा पूर्वमन्त्री प्रदीप यादवको समेत उपस्थिति रहेको थियो। सो अवसरमा छठ पर्वको धार्मिक, सांस्कृतिक तथा सामाजिक महत्त्वबारे चर्चा गर्दै यस्ता सहयोगले समाजमा आपसी सद्भाव, सहयोग र एकताको भावना बलियो बनाउने विश्वास व्यक्त गरिएको थियो।

छठ पर्व तराई–मधेशसहित देशका विभिन्न क्षेत्रमा श्रद्धा र भक्तिपूर्वक मनाइने महत्वपूर्ण पर्व हो। यस पर्वमा व्रतालुहरूले सूर्यदेव र छठी माताको पूजा–आराधना गर्दै परिवारको सुख, शान्ति, समृद्धि तथा सुस्वास्थ्यको कामना गर्ने परम्परा छ। सोसाइटीको यस सहयोगले आर्थिक रूपमा कमजोर तथा आवश्यक सामग्री जुटाउन कठिनाइ हुने व्रतालु महिलाहरूलाई राहत पुग्ने अपेक्षा गरिएको छ।

रुङ्टा वेलफेयर सोसाइटीले विभिन्न सामाजिक तथा सेवामूलक गतिविधिमार्फत समुदायमा सहयोग र मानवीय सेवाको भावना प्रवर्द्धन गर्दै आएको छ।

प्रकाशित मिति: बिहीबार, कात्तिक २६, २०८३ १४:५०

प्रतिक्रिया दिनुहोस्