समकक्षताको प्रमाणपत्र लिन विद्यार्थीहरुलाई धेरै सास्ती भयो, सुधार गर्न मन्त्री चौरसियाको निर्देशन

राजनीति

गृहपृष्ठ
राजनीति

समकक्षताको प्रमाणपत्र लिन विद्यार्थीहरुलाई धेरै सास्ती भयो, सुधार गर्न मन्त्री चौरसियाको निर्देशन

choicekhabar बिहीबार, साउन २४, २०८१

कानून, न्याय तथा संसदीय मामिलामन्त्री अजय कुमार चौरसियाले विद्यार्थीहरुलाई समकक्षताको प्रमाणपत्र दिने अधिकार विश्वविद्यालय अनुदान आयोगलाई दिनुपर्ने बताए ।

बुधबार कानून, न्याय तथा मानव अधिकार समितिको बैठकमा बोल्दै मन्त्री चौरसियाले विद्यार्थीहरुलाई समकक्षताको प्रमाणपत्र दिने अधिकार विश्वविद्यालय अनुदान आयोगलाई दिनु उचित हुने बताए ।मन्त्री चौरसियाले विश्वविद्यालय अनुदान आयोगलाई सो अधिकार दिँदा प्रमाणपत्र दिने काम व्यवस्थित र गुणस्तरिय हुने बताए । उनले देशमा धेरै विश्वविद्यालयहरु स्थापना भइसकेको भन्दै समकक्षता दिने अधिकार त्रिभुवन विश्वविद्यालयलाई दिनुभन्दा विश्वविद्यालयहरुको छाता संगठन विश्वविद्यालय अनुदान आयोगलाई दिनु उपयुक्त हुने बताए ।

मन्त्री चौरसियाले समकक्षताको प्रमाणपत्र लिन विद्यार्थीहरुले धेरै सास्ती व्यहोेर्नु परिरहेको भन्दै सहज रुपमा लिनसक्ने वातावरण बनाउनुपर्नेमा जोड दिए । उनले यसका लागि सम्बन्धित मन्त्रालय र सम्बन्धित पदाधिकारीहरुले ध्यान पु¥याउनुपर्ने बताए ।

प्रकाशित मिति: बिहीबार, साउन २४, २०८१ १०:४१

प्रतिक्रिया दिनुहोस्