पर्साको उत्तरी ग्रामीण भेगमा चैते धान रोपाई शुरु

समाचार

गृहपृष्ठ
समाचार

पर्साको उत्तरी ग्रामीण भेगमा चैते धान रोपाई शुरु

choicekhabar मंगलबार, चैत १३, २०८०

१३ चैत,वीरगञ्ज । पर्साको उत्तरी थरुहठ ग्रामीण भेगमा चैते धानबालीको रोपाई शुरु गरिएको छ । जिल्लाका उत्तरी थरुहठ क्षेत्रमा पर्ने ठोरी, जिराभवानी, पटेर्वासुगौली, सखुवाप्रसौनी, पर्सागढी र बीरगंजको केही वडाहरुमा चैते धानबाली अन्तर्गत हर्दिनाथ–१ (१४४२) जातका धानको रोपाई शुरु गरिएको हो ।

हिउँदे बालीका रुपमा लगाईएको तोरी,मसुरो,केराउ र सुर्तीबाली भित्र्याइ सकेर खाली रहेका जग्गामा चैते धानबालीको रोपाई शुरु भएको हो । जीराभवानी गाँउपालिका वडा नम्बर २ काठमान्डौटोल निवासी रामेश्वर साहले फागुनमा बिऊ ब्याड हालेको र अहिले रोपाई शुरु गरेको बताए । गँहु तथा अन्य बाली लगाएर जमिन खाली नभएका किसानहरूले भने बिउ राखेका र गँहुबाली भित्र्याए लगत्तै रोपाई सुरु गर्ने उनको भनाइ छ ।
सोमवार राती असिना पानीका परेका कारण पनि किसानहरुलाई रोपाईका लागि सिचाँईमा सहयोग पुगेको साहले बताए । उनका अनुसार सो क्षेत्रमा रहेको खेतीयोग्य जमिनमा ८० प्रतिशत भन्दा बढि क्षेत्रफलमा चैते धानबाली लगाइन्छ ।

चैते धान रोपाईपछि ९० दिनमा यो बाली भित्र्याइन्छ । अर्थात् अहिलो रोपाई गरिएको बाली असारको पहिलो सातादेखि दोस्रो सातासम्म किसानहरुले काट्ने गर्छन् । सो खेतमा अर्को बाली भदैया मंसुली वा सोना मंसुली धानको रोपाई गर्न सकिने किसानले बताएका छन् ।
चैते धान प्रति कठ्ठाको दरले २०० केजी देखि ३२० केजी उत्पादन गरेका थिए ।

प्रकाशित मिति: मंगलबार, चैत १३, २०८० १६:५५

प्रतिक्रिया दिनुहोस्