वीरगंजका बाढी पिडितलाई हरि पन्तले निशुल्क भोजन गराउने

राजनीति

गृहपृष्ठ
राजनीति

वीरगंजका बाढी पिडितलाई हरि पन्तले निशुल्क भोजन गराउने

choicekhabar आइतबार, असोज १३, २०८१

वीरगञ्ज क्षेत्रका बाढी प्रभावितहरूका लागि राहतस्वरूप निःशुल्क खानपान र बसोबासको व्यवस्था गरिएको छ। होटल तथा पर्यटन व्यवसायी संघ वीरगञ्जका अध्यक्ष हरि पन्तले बाढीका कारण प्रभावित भएका व्यक्तिहरूका लागि निःशुल्क रुपमा खाना र बस्नको व्यवस्था गर्ने बताएका हुन् ।

तत्कालका लागि २० देखि ३० जनासम्मलाई निःशुल्क खान र बासको व्यवस्था गर्ने पन्तले जानकारी दिए । राष्ट्रिय स्वतन्त्र पार्टी रास्वपा पर्साका संयोजक समेत रहेका पन्तका अनुसार, बाढीको कारण घर डुबानमा परेर खान र बस्न समस्या भएका व्यक्तिहरूलाई वीरगञ्जस्थित आर्मी ब्यारेक नजिकैको क्लासिक ब्यान्क्वेटमा यो सेवा उपलब्ध गराइनेछ ।

पन्तले पर्साका प्रमुख जिल्ला अधिकारी र जिल्ला प्रहरी प्रमुखलाई यसबारे जानकारी गराइसकेको उल्लेख गर्दै, आवश्यकता परेमा जिल्ला प्रशासन कार्यालय पर्सा, जिल्ला प्रहरी कार्यालय पर्सा, वा स्वयं पन्तसँग सम्पर्क गर्न आग्रह गरेका छन् । पन्तको मोबाइल नम्बर ९८५५०२१५२४ मा सम्पर्क गरेर आउन उनले अनुरोध गरेका छन् । यस सुविधाले तत्काल राहत प्राप्त गर्न नसकेका बाढी पीडितहरूलाई सहयोग पुग्ने विश्वास गरिएको छ ।

प्रकाशित मिति: आइतबार, असोज १३, २०८१ १८:५७

प्रतिक्रिया दिनुहोस्