कोशी, मधेश, बागमती र गण्डकी प्रदेशमा वर्षाको सम्भावना

समाचार

गृहपृष्ठ
समाचार

कोशी, मधेश, बागमती र गण्डकी प्रदेशमा वर्षाको सम्भावना

choicekhabar शुक्रबार, असोज १८, २०८१

नेपालमा बंगलादेशको न्यून चापीय प्रणालीको प्रभाव, कोशी प्रदेशमा आज भारी वर्षाको सम्भावना
जल तथा मौसम विज्ञान विभागको मौसम पूर्वानुमान महाशाखाले दक्षिण–पश्चिम बंगलादेश आसपासको क्षेत्रमा बनेको न्यून चापीय प्रणालीको आंशिक प्रभाव नेपालमा परेको जनाएको छ ।

महाशाखाका अनुसार मनसुनको समेत प्रभाव कायम रहेकाले आज पूर्वी र मध्य भागमा हल्कादेखि मध्यम खालको वर्षा हुने पूर्वानुमान छ । मौसमविदले आज (शुक्रवार) हिजो (बिहीवार) को तुलनामा धेरै ठाउँमा प्रभाव देखिने तथा आज र भोलि वर्षाको सम्भावना रहेको बताएका छन । तर लगातार वर्षा भने हुने छैन ।

मौसम पूर्वानुमान महाशाखाले आज कोशी प्रदेश, मधेश प्रदेश, बागमती प्रदेश र गण्डकी प्रदेशका थोरै स्थानहरूमा तथा बाँकी प्रदेशका एक–दुई स्थानमा मेघ गर्जनरचट्याङ्गसहित हल्कादेखि मध्यम वर्षाको सम्भावना औंल्याएको छ ।

यसैगरी कोशी प्रदेशका एक–दुई स्थानमा भारी वर्षाको पनि सम्भावना रहेको महाशाखाले आज बिहान जारी गरेको बुलेटिनमा उल्लेख छ । यसले कृषि, स्वास्थ्य, पर्यटन, पर्वतारोहण, सडक तथा हवाई यातायातमा असर पर्ने सम्भावना रहेको भन्दै ती क्षेत्रमा हुन सक्ने गेग्रान बहाव, बाढी, पहिरो, भूक्षय जस्ता प्रकोपको जोखिम वा क्षतिबाट बच्न आवश्यक सतर्कता अपनाउनु महाशाखाले आग्रह गरेको छ ।

प्रकाशित मिति: शुक्रबार, असोज १८, २०८१ ०८:५७

प्रतिक्रिया दिनुहोस्