लायन्सका संस्थापक मेल्भिन जोन्सको जन्मदिवसको अवसरमा चिया वितरण

समाचार

गृहपृष्ठ
समाचार

लायन्सका संस्थापक मेल्भिन जोन्सको जन्मदिवसको अवसरमा चिया वितरण

choicekhabar आइतबार, पुस २८, २०८१

वीरगञ्ज : अन्तर्राष्ट्रिय सामाजिक संस्था लायन्स क्लब ईन्टरनेशनलका संस्थापक मेल्भिन जोन्सको १४६ औं जन्म दिवसको अवसरमा वीरगञ्जको माइस्थान क्षेत्रमा करिब पाँच सय जनालाई चिया वितरण गरिएको छ ।
साता ब्यापी कार्यक्रम अन्तर्गत लायन्स क्लब अफ वीरगञ्ज ग्रीन क्याम्पस, सेस्मी एकेडेमी, विजय पथ, गोल्डन स्पैरो, गहवामाई, ग्रीन सिटी र इनिसिएटिभको संयुक्त आयोजनामा चिया वितरण गरिएका हो । अहिले जाडोको मौसममा लायन्स क्लबका सदस्यहरूले समुदायलाई सहयोग गर्ने उद्देश्य सहित उक्त कार्यक्रमको आयोजना गरेका थिए ।
लायन्स क्लब अफ वीरगञ्ज ग्रीन क्याम्पसका लायन उमेश साह कानूको अगुवाइमा सम्पन्न कार्यक्रममा उप गभर्नर लायन राम बिहारी पाण्डे, मेल्भिन जोन्स साता ब्यापी कार्यक्रम संयोजक लायन आश्मा सिंह यादव, रिजन चेयरपर्सन लायन विजय कुशवाहा, लायन्स क्लब अफ वीरगञ्जका अध्यक्ष लायन सुनील गुप्ता, लायन विनीत जायसवाल, लायन किरण अग्रवाल, उमेश गुप्ता, प्रकाश उपाध्याय, दीना गुप्ता लगायत समाजसेवी, पत्रकार र स्थानिय जनसमुदायको उल्लेखनीय सहभागिता रहेको थियो ।

प्रकाशित मिति: आइतबार, पुस २८, २०८१ १९:०२

प्रतिक्रिया दिनुहोस्