एमाले वीरगंज महानगरको दोस्रो अधिवेशन सफल पार्न जनप्रतिनिधि र पदाधिकारी बिच छलफल,प्रमुख अतिथी प्रदिप ज्ञवालीको स्वागतको लागि ५०० मोटरसाईकल सिमरा लैजाने निर्णय

राजनीति

गृहपृष्ठ
राजनीति

एमाले वीरगंज महानगरको दोस्रो अधिवेशन सफल पार्न जनप्रतिनिधि र पदाधिकारी बिच छलफल,प्रमुख अतिथी प्रदिप ज्ञवालीको स्वागतको लागि ५०० मोटरसाईकल सिमरा लैजाने निर्णय

choicekhabar शुक्रबार, चैत २२, २०८१

नेकपा एमालेबाट वीरगंज महानगरपालिकामा निर्वाचित जनप्रतिनिधि र नेकपा एमाले वीरगंज महानगर कमिटीका पदाधिकारी बिच बैठक सम्पन्न भएको छ । महानगर कमिटी अध्यक्ष राजेश यादवको अध्यक्षता एवं महानगर ईन्चार्ज बिचारी यादवको प्रमुख आतिथ्यमा सो बैठक सम्पन्न भएको हो । बैठकले चैत्र २९ गते हुने वीरगंज महानगरको दोस्रो अधिवेशन सफल पार्न बिभिन्न निर्णयहरु गरेको छ । पार्टीका उपमहासचिव प्रदिप ज्ञवालीको प्रमुख आतिथ्यमा हुने अधिवेशनलाई एतिहासिक बनाउन पार्टीबाट निर्वाचत ४६ जन प्रतिनिधि र महानगरका पदाधिकारीलाई ईमान्दारिका साथ लाग्न प्रमुख अतिथी यादवले निर्देशन दिनुभयो । बैठकमा पर्सा अध्यक्ष विश्वम्भर शर्मा, मधेश प्रदेशका सदस्य रन्जु फुयाल, पर्सा लेखा समिती संयोजक शिवजी गुप्ता लगायत नेता कार्यकर्ताहरुको उपस्थिती थियो । बैठकले प्रमुख अतिथी ज्ञवालीलाई सिमरा एयरपोर्टमा स्वागत गर्न ५०० मोटरसाईकल लैजान समेत निर्णय गरेको छ । पार्टी कार्यालय मनमोहन नगर रामगढवामा सम्पन्न कार्यक्रमको सहजीकरण नगर सचिव सुन्दर कुर्मीले गरेका थिए ।

प्रकाशित मिति: शुक्रबार, चैत २२, २०८१ १७:५३

प्रतिक्रिया दिनुहोस्