नेकपा एमाले वीरगंज महानगर कमिटिको दोस्रो अधिवेशनबाट अध्यक्षमा नवराज शर्मा विजयी

राजनीति

गृहपृष्ठ
राजनीति

नेकपा एमाले वीरगंज महानगर कमिटिको दोस्रो अधिवेशनबाट अध्यक्षमा नवराज शर्मा विजयी

choicekhabar बुधबार, वैशाख १०, २०८२

वीरगञ्ज । नेकपा एमालेको वीरगञ्ज महानगर कमिटीको अध्यक्षमा नवराज शर्मा विजयी भएका छन् । उनले प्रतिस्प्रर्धी सुन्दर कुर्मीलाई ५५ मतान्तरले पराजित गरेका हुन ।

नेकपा एमालेको मंगलबार भएको निर्वाचनमा नवराज शर्मा र सुन्दर कुर्मीले प्यानल बनाएर निर्वाचनमा भाग लिएका थिए । शर्माको प्यानललाई वीरगञ्ज महानगरपालिकाका पूर्व मेयर विजय कुमार सरावगीको समर्थन थियो भने सुन्दर कुर्मीको प्यानललाई पर्सा अध्यक्ष विश्म्भर शर्मा, सांसदहरु प्रभु हजारा र निर्मला देवकोटाको समर्थन रहेको थियो ।

मंगलबार सम्पन्न मत परिणाम अनुसार शर्माले १५१ मत प्राप्त गरेका छन् । उनको प्रतिद्धन्दी कुर्मीले ९६ मत मात्र ल्याएका छन् । त्यसैगरी उपाध्यक्षमा रामकिशोर सिंह(पराग) विजयी भएका छन् । उनले जले आलम अंसारीलाई परास्त गरेका हुन । सचिवमा लियाकत अली विजयी भएका छन् । उनले अनिश अंसारीलाई हराएका हुन ।

नगर कमिटीमा नवराज शर्माको प्यानलबाट उपसचिवमा जयनारायण सिंह कुर्मी र विमला श्रीवास्तव, लेखा समिति अध्यक्षमा अजय कुमार साह र सचिवमा राघव पटेल विजयी भएका छन् ।

त्यसैगरी सदस्यहरुमा बासुदेव प्रसाद, देवकुमार सर्राफ र महिला सदस्यमा सितामैया श्रेष्ठ विजयी भएका छन् ।

प्रकाशित मिति: बुधबार, वैशाख १०, २०८२ १२:१२

प्रतिक्रिया दिनुहोस्