गाई खोलामा मिनी पुल शिलान्यास, आधारभूत सेवाबाट नागरिक बन्चित नहोस

समाज

गृहपृष्ठ
समाज

गाई खोलामा मिनी पुल शिलान्यास, आधारभूत सेवाबाट नागरिक बन्चित नहोस–पालिका अध्यक्ष श्रेष्ठ

प्रतिक्षा श्रेष्ठ शनिबार, वैशाख १३, २०८२

ठोरी– ठोरी गाउँपालिका वडा नं. ३ स्थीत गाई खोलामा बक्स पुलको शिलान्यास गरिएको छ । ठोरी गाउँपालिका अध्यक्ष लालवहादुर श्रेष्ठ र नेकपा एमाले केन्द्रीय सल्लाहकार परिषदका सदस्य तथा जिल्ला समन्वय समिति पर्साका निवर्तमान उपाध्यक्ष ठाकुरप्रसाद न्यौपानेले संयुक्त रुपमा पुलको शिलान्यास गरेका हुन् ।

सो अवसरमा पालिका अध्यक्ष श्रेष्ठले खाने पानी, सडक, पुलपुलेसा, बिजुलीजस्ता विकास आधारभूत सेवाबाट आफ्नो पालिकाका कुनै पनि नागरिक बन्चित नरहोस भन्ने उद्देश्यका साथ आफुले काम गरिरहेको बताए । उनले मतदाता जसले राम्रो काम गरे उसैको हुने हुँदा सेवा प्रदान गर्ने क्रममा कहिल्यै पनि पार्टी नछुट्टयाउन आफुले मातहतका जनप्रतिनिधी र कर्मचारीलाई स्पष्ट निर्देशन दिएको जानकारी दिए ।

सो अवसरमा नेता न्यौपानेले पार्टीको सिद्धान्त र जनभावना अनुरुप चल्न सक्ने जनप्रतिनिधीले जहिले पनि साथ पाउने भन्दै पालिका सरकार नागरिकको सवैभन्दा नजिकको सरकार भएको हुँदा स्थानीय समस्याबाट टाढा भाग्न नहनुे विचार व्यक्त गरे । मधेश प्रदेश सरकार भौतिक पूर्वाधार विकास मन्त्रलयको ४५ लाख अनुदान सहयोगमा निर्माण हुन थालेको मिनी पुल निर्माणको विक्रम निर्माण सेवा, ठोरी – ले ठेक्का सकार गरेको छ ।

शिलान्यास गरिएको पुलको चौंडाइ ६ मिटर र लम्बाई ११ मिटर रहने निर्माण कम्पनीका निर्देशक राजु श्रेष्ठले जानकारी दिएका छन, । चालु आवको असार मसान्तसम्म काम सम्पन्न गर्नु पर्ने ठेक्का सम्झौतामा उल्लेख छ । कार्यक्रममा ठोरी ३ का वडाध्यक्ष शम्भु खड्का, साबिक निर्मलबस्ती गाबिसका पुर्व उपाध्यक्ष गोबिन्द प्रताप श्रेष्ठ लगायतले शुभकामना मन्तव्य व्यक्त गरेका थिए । बर्खा याममा गाइ खोलामा भलबाढी आउँदा ब्रम्हापुरी आधारभूत विद्यालय र ओडार माविका ब्रम्हानगर क्षेत्रका विद्यार्थी समस्यामा पर्ने गरेका छन् ।

निर्माण हुने सडकले उक्त खण्डमा हुलाकी सडकको सहायक सडकको रुपमा प्रयोग हुनुका साथै विभिन्न चारवटा टोलाका बासिन्दा प्रत्यक्षरुपमा लाभान्वित हुने स्थानीय बासिन्दाहरूले बताएका छन् ।

प्रकाशित मिति: शनिबार, वैशाख १३, २०८२ २१:५४

प्रतिक्रिया दिनुहोस्