अर्थमन्त्री विष्णु पौडेलद्वारा राष्ट्रपति रामचन्द्र पौडेललाई आगामी बजेटबारे ब्रिफिङ

समाचार

गृहपृष्ठ
समाचार

अर्थमन्त्री विष्णु पौडेलद्वारा राष्ट्रपति रामचन्द्र पौडेललाई आगामी बजेटबारे ब्रिफिङ

choicekhabar मंगलबार, जेठ १३, २०८२

काठमाडौं –उपप्रधानमन्त्री एवं अर्थमन्त्री विष्णु पौडेलले आज बिहान राष्ट्रपति रामचन्द्र पौडेललाई भेटेर आगामी आर्थिक वर्ष २०८२र८३ को बजेटका बारेमा विस्तृत जानकारी दिएका छन्। राष्ट्रपति भवन शीतल निवासमा भएको उक्त भेटमा अर्थमन्त्री पौडेलले बजेटका प्रमुख अंश र प्राथमिकताहरू प्रस्तुत गरेका थिए।

यस भेटमा अर्थमन्त्री पौडेलले आगामी बजेटमा नीतिगत सुधार र कार्यान्वयन योग्य योजनाहरूलाई प्राथमिकता दिने बताएका छन्। उनले बजेट निर्माणमा संघीयता, तीन तहका सरकारबीचको समन्वय र साझेदारीलाई विशेष ध्यानमा राख्नुपर्नेमा जोड दिएका छन्। साथै, बजेटको आकार र स्रोत व्यवस्थापनमा अनुशासन कायम राख्न आवश्यक रहेको पनि उनले बताए।

सरकारले संवैधानिक व्यवस्थाअनुसार आगामी आर्थिक वर्षको बजेट यही जेठ १५ गते बिहीबार प्रस्तुत गर्ने तयारी गरेको छ। यसअघि अर्थ मन्त्रालयले विभिन्न मन्त्रालयहरूसँग बजेटका विषयमा छलफल गर्दै आएको छ, जसमा भौतिक पूर्वाधार, शिक्षा, स्वास्थ्य, कृषि, ऊर्जा लगायतका मन्त्रालयहरू समावेश छन्।

अर्थमन्त्री पौडेलको यो भेटले आगामी बजेटको तयारी र कार्यान्वयनमा थप स्पष्टता र समन्वय ल्याउने अपेक्षा गरिएको छ।

प्रकाशित मिति: मंगलबार, जेठ १३, २०८२ १३:२७

प्रतिक्रिया दिनुहोस्