वीरगञ्ज नर्सिङ क्याम्पसमा खानेपानी र सरसफाइको समस्या समाधानका लागि मन्त्री यादवको प्रतिबद्धता

समाचार

गृहपृष्ठ
समाचार

वीरगञ्ज नर्सिङ क्याम्पसमा खानेपानी र सरसफाइको समस्या समाधानका लागि मन्त्री यादवको प्रतिबद्धता

choicekhabar आइतबार, असार १, २०८२

वीरगञ्ज, पर्सा – वीरगञ्ज महानगरपालिका–४, पर्सास्थित त्रिभुवन विश्वविद्यालय चिकित्सा शास्त्र अध्ययन संस्थानअन्तर्गतको वीरगञ्ज नर्सिङ क्याम्पसमा मन्त्री प्रदीप यादवको निरीक्षण भ्रमण सम्पन्न भएको छ। यस क्रममा क्याम्पसमा विद्यमान खानेपानी र सरसफाइका समस्याबारे गम्भीर छलफल गरिएको छ।

हाल सञ्चालनमा रहेको पानीको ट्याङ्की जीर्ण अवस्थामा रहेको र पानी चुहिने समस्या देखिएकोले मन्त्री यादवले यथाशिघ्र ट्याङ्कीको मर्मत तथा आवश्यक परेमा नयाँ ट्याङ्की निर्माण गर्ने प्रतिबद्धता व्यक्त गरेका छन्।

त्यसैगरी, क्याम्पस परिसरभित्रका खुला नाला र विर्ता बस्तीको फोहोर पानी सोही नालामा जम्मा हुने समस्याले क्याम्पसको वातावरण प्रदूषित बनाएको गुनासो प्राप्त भएको छ। यसलाई मध्यनजर गर्दै मन्त्री यादवले नालाको सरसफाइ, व्यवस्थित ढल निकास र दिर्घकालीन समाधानका लागि सम्बन्धित निकायलाई तत्काल आवश्यक कदम चाल्न निर्देशन दिएका छन्।

प्रदीप यादवका अनुसार, क्याम्पसमा अध्ययन, अध्यापन र स्वास्थ्य सेवा प्रदान गर्ने वातावरण अझ स्वच्छ, सुरक्षित र व्यवस्थित बनाउने साझा लक्ष्य रहेको छ। यसका लागि सबैको सक्रिय सहभागिता र समन्वय आवश्यक रहेको उनले बताए।

वीरगञ्ज नर्सिङ क्याम्पस, त्रिभुवन विश्वविद्यालयको चिकित्सा शास्त्र अध्ययन संस्थानअन्तर्गतको एक प्रमुख क्याम्पस हो, जसले स्वास्थ्य सेवामा दक्ष जनशक्ति उत्पादन गर्दै आएको छ।