प्याब्सनले विभिन्न माग राख्दै बीरगंज महानगरलाई बुझायो ज्ञापनपत्र, निजी विद्यालयको समस्यामाथि ध्यान दिन आग्रह

समाज

गृहपृष्ठ
समाज

प्याब्सनले विभिन्न माग राख्दै बीरगंज महानगरलाई बुझायो ज्ञापनपत्र, निजी विद्यालयको समस्यामाथि ध्यान दिन आग्रह

choicekhabar आइतबार, असार २९, २०८२

जगत राई
निजी तथा आवासीय विद्यालय अर्गनाइजेसन (प्याब्सन) बीरगंज महानगर समितिले विभिन्न मागसहित बीरगंज महानगरपालिकालाई ज्ञापनपत्र बुझाएको छ। नगर प्रमुख राजेशमान सिंह, प्रशासकीय अधिकृत अरविन्दलाल कर्ण र शैक्षिक प्रशासन महाशाखाका प्रमुख आनन्द लामिछानेलाई संयुक्तरूपमा ज्ञापनपत्र बुझाइएको प्याब्सन महानगर अध्यक्ष राहुल श्रीवास्तवले जानकारी दिए।

ज्ञापनपत्रमार्फत प्याब्सनले निजी विद्यालयहरूमा हाल देखिएको खानेपानीको अभाव समाधान गर्न माग गरेको छ। अध्यक्ष श्रीवास्तवले भने, “प्याब्सनसँग आबद्ध अधिकांश विद्यालयहरूमा पिउने पानीको अभाव भएकोले बीरगंज महानगरले तत्काल समाधानका लागि विकल्प खोज्नुपर्ने आवश्यकता छ।”

प्याब्सनले हाल महानगरभित्र सबैभन्दा बढी विद्यार्थी संख्या भएका विद्यालयहरू आफ्नो संस्थामा आबद्ध रहेको उल्लेख गर्दै नगरपालिकालाई जिम्मेवारीपूर्वक खानेपानीको व्यवस्था गर्न आग्रह गरेको छ।

यसैगरी, २०८१र८२ आर्थिक वर्षको व्यवसाय कर, घरबहाल कर, सम्पत्ति कर तथा फोहोर व्यवस्थापन कर चालु महिना भित्र बुझाई कारवाहीबाट जोगिनसमेत अनुरोध गरिएको सचिव अमित आलोकले जानकारी दिए।

ज्ञापनपत्रमा शिक्षा क्षेत्रमा प्याब्सनले पुर्‍याएको योगदानलाई महानगरपालिकाले सम्मान गर्दै आगामी दिनमा आवश्यक समन्वय र सहयोग गर्नुपर्ने पनि उल्लेख गरिएको छ।

प्रकाशित मिति: आइतबार, असार २९, २०८२ १८:३७

प्रतिक्रिया दिनुहोस्