७० औं प्रहरी दिवस पर्सामा धूमधामका साथ सम्पन्न, नागरिक–प्रहरी सहकार्यलाई बलियो बनाउने प्रतिबद्धता

समाज

गृहपृष्ठ
समाज

७० औं प्रहरी दिवस पर्सामा धूमधामका साथ सम्पन्न, नागरिक–प्रहरी सहकार्यलाई बलियो बनाउने प्रतिबद्धता

choicekhabar शुक्रबार, असोज ३१, २०८२

“नागरिक प्रहरी सहकार्य सुरक्षाको लागि अपरिहार्य” भन्ने मुल नाराका साथ ७० औं प्रहरी दिवस–२०८२ पर्सामा एक विशेष समारोहका साथ सम्पन्न गरिएको छ।

नेपाल प्रहरी प्रदेश कार्यालय तथा जिल्ला प्रहरी कार्यालय पर्साको संयुक्त आयोजनामा सम्पन्न उक्त समारोह नेपाल प्रहरी प्रदेश कार्यालय पर्सा वीरगंजको प्राङ्गणमा रहेको अमर प्रहरी स्मारकमा आयोजना गरिएको थियो।

कार्यक्रमका मुख्य अतिथि प्रमुख जिल्ला अधिकारी तोय नारायण सुवेदीले प्रहरी र नागरिकबीचको सहकार्यले मात्र समाजमा स्थायी शान्ति र सुरक्षाको वातावरण कायम रहन सक्ने बताउँदै प्रहरी सेवाप्रति आफ्नो सम्मान र कृतज्ञता व्यक्त गरे।

सो अवसरमा उपस्थित पूर्व प्रहरी कर्मचारी, अमर शहीद प्रहरीका परिवारजन, सि।प्र।अ।रजु।प्र।अ।, मातहत प्रहरी कार्यालयका सम्पूर्ण प्रहरी कर्मचारीहरू तथा सञ्चारकर्मीहरूले अमर प्रहरी स्मारकमा पुष्पहार ९रेथ० अर्पण गरी श्रद्धाञ्जली अर्पण गरे। साथै, अमर शहीद प्रहरी परिवारजनहरूलाई दोसल्ला ओढाई सम्मान पनि गरिएको थियो।

कार्यक्रममा विशिष्ट अतिथिका रूपमा जिल्ला प्रहरी कार्यालय पर्साका प्रहरी प्रमुख प्रहरी उपरीक्षक सुदिप राज पाठक, नेपाल प्रहरी प्रदेश कार्यालयका प्रहरी वरिष्ठ उपरीक्षक शान्तिराज कोईराला, जिल्ला प्रहरी कार्यालय पर्साका डीएसपी किशोर लम्साल, जिल्ला ट्राफिक कार्यालय पर्साका प्रमुख लोकराज भट्ट, वडा प्रहरी कार्यालय बिर्ताका प्रहरी प्रमुख निरोज चौलागाईंलगायत प्रहरी अधिकारीहरूको विशेष उपस्थिति रहेको थियो।

यस अवसरमा सामुदायिक प्रहरी सेवा केन्द्र आदर्शनगरका अध्यक्ष जय प्रकाश खेतान, श्रवणबहादुर रायमाझी तथा विभिन्न संघ–संस्थाहरूलाई सम्मानपत्र प्रदान गरी सम्मान गरिएको थियो।

कार्यक्रममा प्रहरी सेवामा उल्लेखनीय योगदान पुर्‍याउने प्रहरी कर्मचारीहरूलाई पनि प्रशंसापत्र र प्रमाणपत्र प्रदान गरिएको थियो।
समारोहको अन्त्यमा प्रहरी प्रमुख सुदिप राज पाठकले ७० औं प्रहरी दिवसले प्रहरी संगठनलाई थप जिम्मेवार, पारदर्शी र जनमुखी बनाउने प्रतिबद्धता जाहेर गर्दै सबैलाई सहकार्य र सहयोगको लागि आग्रह गरे।

प्रकाशित मिति: शुक्रबार, असोज ३१, २०८२ १६:३०

प्रतिक्रिया दिनुहोस्