मधेशमा दिदिबहिनीले दाजुभाईलाई खुवाए बजडी

समाज

गृहपृष्ठ
समाज

मधेशमा दिदिबहिनीले दाजुभाईलाई खुवाए बजडी

choicekhabar बिहीबार, कात्तिक ६, २०८२

पहाडी समुदायमा भाईटिका मनाए झै मधेसी समुदायमा दिदि बहिनीहरुले बिहिबार आफना दाजुभाईलाई बजडी खुवाएका छन । यो परम्पराले दिदी–बहिनी र दाजु–भाइबीचको आत्मीय सम्बन्ध, स्नेह र आपसी माया झल्काउँछ। प्राचीन कालदेखि चलिआएको बजडी खुवाउने पर्वमा रेंगनीको काँडाले जिब्रोमा घोच्ने अनौठो रीत पनि रहिआएको छ। यो प्रक्रिया दाजु–भाइलाई श्राप दिएर पुनः श्रापमुक्त गर्ने प्रतीक हो, जसले उनीहरूको जीवनमा आउने विघ्न–बाधा हटाउने र स्वास्थ्य, समृद्धि तथा दीर्घायुको कामना गर्ने विश्वास रहिआएको छ। “यो परम्पराले दिदी–बहिनी र दाजु–भाइबीचको प्रेम अझ बलियो बनाउँछ। बजडी केवल धार्मिक विधि होइन, सामाजिक सम्बन्ध सुदृढ बनाउने माध्यम पनि हो।” हिजो घर–घरमा गरिएको गोवर्धन पूजा (गोधन पार्ने काम) पछि आज समुदायका महिलाहरु एक ठाउँमा भेला भई गोधन कुट्ने गर्ने गरेका छन । सो गोधन कुटाईको क्रममा त्यसमा बजडी (केराउ)राख्ने परम्परा रहिआएको छ। पूजाका क्रममा परम्परागत गीतहरू गाईने गरिन्छ । जसमा दाजु–भाइको सुख, समृद्धि र दीर्घायुको कामना गरिएको छ।पूजा सम्पन्न भएपछि दिदी–बहिनीहरूले दाजु–भाइलाई केराउको दाना,‘(बजडी )र मिठाई ’ खुवाउँछन्। ‘बजडी खुवाउने’ परम्परा दाजु–भाइको स्वास्थ्य र शक्ति बजडीझैँ कडा र स्थायी रहोस् भन्ने प्रतीकका रूपमा लिइन्छ। त्यसपछि दाजु–भाइहरूले दिदी–बहिनीलाई आशीर्वादका रूपमा उपहार वा दक्षिणा प्रदान गर्छन्।