सिरहामा एकै परिवारमाथि आक्रमण,चार जना घाइते

समाज

गृहपृष्ठ
समाज

सिरहामा एकै परिवारमाथि आक्रमण,चार जना घाइते

choicekhabar बिहीबार, कात्तिक ६, २०८२

सिरहाको मिर्चैया–३ छड्की टोलमा एकै परिवारमाथि भएको आक्रमणमा चार जना घाइते भएका छन्। पीडित शिवनन्दन यादवले आक्रमणमा संलग्न पाँचमध्ये तीनजना राजनीतिक दबाबमा प्रहरीले छाडेको र जाहेरी दर्ता नगरेको आरोप लगाएका छन्।

कात्तिक २ गते बेलुका घरमै प्रवेश गरी भएको आक्रमणमा ६० वर्षीय शिवनन्दन, उनकी ५७ वर्षीय श्रीमती दुर्गी देवी, ४२ वर्षीय छोरा जमाहिर र ३७ वर्षीय बुहारी रिता यादव घाइते भएका थिए। उनीहरूलाई खुकुरी, रड र भाटासहितको हमला गरिएको थियो।

इलाका प्रहरी कार्यालय मिर्चैयाका डिएसपी राजेशराज पुरीका अनुसार, घटना अघि दुई किशोरबीचको विवादले आक्रमणको कारण बनेको थियो। घटनामा संलग्न पूर्व वडाध्यक्ष हरिकुशियैत यादव, किशोर धुर्झार यादव, अशोक यादव, जगदीश धुर्झार यादव गरी पाँच जनालाई नियन्त्रणमा लिइएको थियो। प्रहरीले तीनजनालाई अनुसन्धानपछि छाडेको छ भने दुईजना अझै नियन्त्रणमा छन्।

पीडित यादवले भने, “घटनामा संलग्न दोषीलाई छाडेपछि र हाम्रो जाहेरीबाट नाम हटाएर मात्र दर्ता हुने भनिएको छ, यस्तो अवस्थामा हामीले न्याय पाउन सक्दैनौं।”डिएसपी पुरीले भने, “साथी व्यक्तिहरू घटना संग संलग्न नदेखिएको कारण छाडिएका हुन्। संलग्न नभएका व्यक्तिहरूको नाम जाहेरीमा राख्दा दर्ता हुँदैन।”

प्रकाशित मिति: बिहीबार, कात्तिक ६, २०८२ १३:०४

प्रतिक्रिया दिनुहोस्