एनपीएल : आज कर्णाली र लुम्बिनी तथा विराटनगर र काठमाडौं भिड्दै

खेलकुद

गृहपृष्ठ
खेलकुद

एनपीएल : आज कर्णाली र लुम्बिनी तथा विराटनगर र काठमाडौं भिड्दै

choicekhabar शनिबार, मंसिर ६, २०८२

काठमाडौं :नेपाल प्रिमियर लिगमा आज डबल हेडर रहेको छ। कीर्तिपुर स्थित त्रिवि क्रिकेट स्टेडियममा पहिलो खेलमा कर्णाली याक्स र लुम्बिनी लायन्सले खेल्दैछन्।

उनीहरुबिच खेल आज ११:१५ बजे सुरु हुनेछ। कर्णाली याक्सले यस अगाडि पहिलो खेलमा चितवन राइनोजसँग चार विकेटले पराजित भएको थियो। त्यस्तै, लुम्बिनी लायन्सले आफ्नो पहिलो खेलमा विजयी सुरुवात गरेको थियो। लुम्बिनीले पहिलो खेलमा चितवनलाई ६ विकेटले पराजित गरेको थियो।

शनिबारको दोस्रो खेलमा काठमाडौं गोर्खाज र विराटनगर किङ्सले खेल्दैछन्। यी दुई टिमको खेल ३:३० मा त्रिवि क्रिकेट स्टेडियममा सुरु हुनेछ।काठमाडौं गोर्खाजको यो तेस्रो खेल हो भने विराटनगर किङ्सको यो दोस्रो खेल हो।

काठमाडौँ गोर्खाजले दुई खेल खेल्दा एक खेलमा जित र एक खेलमा हार बेहोरेको छ। त्यस्तै विराटनगर किङ्सले एक खेल खेलेको छ। काठमाडौं गोर्खाजले पहिलो खेलमा साविक विजेता जनकपुर बोल्ड्सलाई ५ विकेटले पराजित गरेको थियो। दोस्रो खेलमा काठमाडौं सुदूरपश्चिम रोयलसँग २९ रनले पराजित भएको हो।

विराटनगर किङ्सले पहिलो खेलमा पोखरा एभेन्जर्सलाई ५३ रनले पराजित गरेको थियो।

प्रकाशित मिति: शनिबार, मंसिर ६, २०८२ १०:५५

प्रतिक्रिया दिनुहोस्