रुँगटाले काँग्रेस जुटाउँदै, द्धिबेदीले कमाण्ड लिँदै , यादब रणनीति बदल्दै, एमालेको संगठन बुझ्दै

समाचार

गृहपृष्ठ
समाचार

रुँगटाले काँग्रेस जुटाउँदै, द्धिबेदीले कमाण्ड लिँदै , यादब रणनीति बदल्दै, एमालेको संगठन बुझ्दै

choicekhabar शनिबार, माघ १०, २०८२

वीरगञ्ज । नेपाली काँग्रेस पर्साले निकै प्रतिष्ठाको बिषय बनाएको पर्सा जिल्ला निर्बाचन क्षेत्र नम्बर १ आसन्न निर्बाचनको परिणामलाई आफ्नो पक्षमा पार्नको लागि कुनै कसर बाँकी नराखिकन चुनावी अभियानमा होमिएको छ । बिगतका दिनमा असन्तुष्ट र आक्रोसित बनेका नेता कार्यकर्तालाई एकै ठाउँमा भेला गरेर उम्मेदवार अनिल रुँगटाले एकपक्षीय, दुइ पक्षीय र बहुपक्षिय बैठकको आयोजना गरि अफ्नालाई एकै ठाउँमा पार्ने रणनीति अपानाएका छन ।
बिशेष गरि उम्मेदवार रुँगटाले गत निर्बाचनमा स्वतन्त्र उम्मेदवारी दिएर २०९१७ मत ल्याएका अजय कुमार द्धिबेदीलाई चुनावी कमाण्डर बनाउने तयारीमा रुँगटा लागि परेका छन । यसको लागि बिभिन्न चरणमा चरणबद्ध बार्ता गरेका बताइन्छ । अझ कार्यकर्ताको बीचमा पकड भएको नेताको रुपमा मानिएका पुराना र नयाँ नेता कार्यकर्ताहरुलाई साथै लिएर हिँडने योजनामा रुँगटा रहेकोले यो निर्बाचनमा जित र हार भन्दा पनि पहिला काँग्रेसलाई एक ढिक्का बनाउने र त्यसपछि चुनाबि अभियानमा जबर्जस्त धक्का दिने रणनीतिमा काँग्रैस पुगेको अनुमान लगायउन थालिएको छ । यसको लागि हर प्रकारको हतकण्डा प्रयोग गर्ने योजनामा काँग्रेस लागेको समाचार छ । अझ एक भेलामा नेपाली काँग्रेस पर्साका पुर्ब सभापति पनि रहेका नेता द्धिबेदीले नेतृत्व तहमा देखिएको एकताले क्षेत्रका कांग्रेस कार्यकर्ता तथा समर्थकहरूमा नयाँ उत्साह थपिएको बताउनु र कुनै पनि आफुहरु असान्न निर्बाचनमा नेकालाई हार्न छुट नभएको बताउनुले यो निर्बाचन निकै रोचक हुने अनुमान लगाउन थालिएको छ ।
यो निर्बाचनमा पुन तेस्रो पटक जित निकाल्ने र पर्सामा लगातार तेस्रो पटक निर्बाचित साँसदको ईतिहाँस कोर्न कुनै कसर बाँकी नराख्ने गरि एमालेका उम्मेदवार प्रदिप यादबले आफ्नो सबै शक्ति परिचालन गर्ने र जस्तो परिस्थिति निर्माण हुन्छ सोही अनुरुप रणनीति निर्माण र कार्यन्वयनको तयारीमा रहेको बताइन्छ उनी हाल नेकपा एमालेमा प्रबेश गरि उम्मेदवार बनेको हुनाले पार्टीको संगठन बुझ्ने पार्टी कार्यकर्ताहरुलाई विश्वास लिएर अघि बढ्ने गरि पार्टी कमिटिका बैठकहरुमा सहभागिता जनाइरहेका छन ।
त्यसो त पार्टीका बिभिन्न निकायले आयोजना गरेका बैठकहरुमा सहभागिता बनि रहेका छन भने आफ्नो जितको लागि एमालेको संगठन सम्पूर्ण रुपमा परिचालन हुन सक्ने संयन्त्रको खोजिमा रहेको देखिन्छ । आफुसँग रहेका पुराना नेता कार्यकर्ता र एमालेका नेता कार्यकर्ताको सँयुक्त चुनावी परिचालन कमिटि निर्माण बिभिन्न वडामा रहेको फोरमका नेता कार्यकर्ताहरुलाई पार्टी प्रबेश गराउने र सबै पक्षको सहभागितामा जित निकाल्ने योजनामा उनी छन २०७० सालमा सम्पन्न दोस्रो संविधान सभा निर्वाचनमा तत्कालीन पर्सा निर्वाचन क्षेत्र नम्बर–२ बाट मधेसी जनअधिकार फोरम नेपालका उम्मेदवार बनेका प्रदीप यादव नेकपा एमालेका उम्मेदवार विचारी यादवसँग झिनो मतान्तरले पराजित भएका थिए । तर त्यसपछि भएका संसदीय निर्वाचनहरूमा उनले कहिल्यै पराजय व्यहोर्नु परेन ।
खानेपानी मन्त्री हुँदा वीरगञ्जमा देखिएको खानेपानी संकट समाधानका लागि आफूले विशेष पहल गरेको उल्लेख गर्दै उनले भने यसलाई प्रमुख चुनावी मुद्धा बनाउने र बिकास निर्माण एवँ एमालेको राष्ट्रवादी अडानमा इँटा थप्नको लागि पनि आफ्नो जित आवश्यक रहेको भन्दै भोट मागिरहेका छन । संविधान, संघीयता र लोकतन्त्रको रक्षाका लागि नेकपा एमालेले जित्न आवश्यक रहेको बताउँदै आएका छन भने आफु “राष्ट्रप्रेम र विकासका सवालमा केपी शर्मा ओलीको चट्टानी अडानबाट प्रभावित भएर एमाले रोजेको हुँ । एमालेमा प्रवेश गरे पनि मधेस आन्दोलनका मुद्दा मैले छोडेको छैन । बाँकी रहेका मधेसका मुद्दा समाधान गर्ने सामर्थ्य एमालेसँग छ।” भन्दै एमालेका नेता कार्यकर्ता र समर्थकहरुलाई भावनात्मक रुपमा पनि आश्वस्त पार्दै भोट कलेक्शन गरिरहेका छन ।
पर्सा–१ मा राष्ट्रिय स्वतन्त्र पार्टीका हरि पन्त, जसपा नेपालका रामरेश प्रसाद यादव, राप्रपाका नन्दु श्रीवास्तव, उज्यालो नेपाल पार्टीका रामकिशोर सिंह पराग, नेपाल कम्युनिष्ट पार्टीका अजयकुमार चौरसिया, जनमत पार्टीका ओमप्रकाश शर्मा लगायतका उम्मेदवारहरुले प्रतिस्पर्धा गरिरहेको भएपनि ती सबै उम्मेदवार पार्टीले सार्वजनिक गर्ने चुनावी घोषणपत्र हेरेर मात्र मतदाताहरुले दृष्टीकोण बनाउने बताइन्छ ।