पर्सा–१ मा उज्यालो नेपाल पार्टीका उम्मेदवार रामकिशोर सिंह (पराग)द्वारा पिपरा

समाचार

गृहपृष्ठ
समाचार

पर्सा–१ मा उज्यालो नेपाल पार्टीका उम्मेदवार रामकिशोर सिंह (पराग)द्वारा पिपरा–१४ मा टोलवासीसँग भेटघाट

choicekhabar शुक्रबार, माघ १६, २०८२

पर्सा निर्वाचन क्षेत्र नम्बर १ अन्तर्गत पिपरा गाउँ, वडा नम्बर १४ मा उज्यालो नेपाल पार्टीका प्रतिनिधि सभा सदस्य उम्मेदवार रामकिशोर सिंह (पराग) द्वारा आज टोलवासीसँग भेटघाट कार्यक्रम सम्पन्न भएको छ। भेटघाटको क्रममा उम्मेदवार सिंहले स्थानीय बासिन्दासँग प्रत्यक्ष संवाद गर्दै उनीहरूको समस्या, अपेक्षा र सुझाव सुन्नुभएको थियो। सो अवसरमा बोल्दै उहाँले युवाले खोजेको नेतृत्व र चाहेको परिवर्तन युवाबाट नै सम्भव हुने स्पष्ट पार्नुभयो।

उम्मेदवार सिंहले युवालाई रोजगारी र गाउँ–समाजको विकासका विषयमा काठमाडौं वा सहर केन्द्रित सोच आवश्यक नरहेको बताउँदै, गाउँमै बसेर रोजगारी सिर्जना र समग्र विकास गर्न सकिने धारणा व्यक्त गर्नुभयो। साथै, उहाँले वीरगञ्ज महानगरपालिका वडा नम्बर २० मा निर्वाचित भएर गरेको काम र त्यहाँबाट बटुलेको अनुभवलाई अब संघीय संसद भवनसम्म पुर्‍याउने प्रतिबद्धता जनाउनुभयो।

स्थानीय तहमा काम गर्दै जनताको समस्या नजिकबाट बुझेको अनुभवले संसदमा प्रभावकारी रूपमा जनआवाज उठाउने उहाँको भनाइ थियो। कार्यक्रममा टोलवासीहरूको उल्लेखनीय सहभागिता रहेको थियो भने उम्मेदवार सिंहप्रति स्थानीय जनताको चासो र विश्वास बढ्दै गएको देखिएको छ। उज्यालो नेपाल पार्टीले आगामी दिनहरूमा पनि यस्ता जनसम्पर्क तथा भेटघाट कार्यक्रमलाई निरन्तरता दिने जनाएको छ।

प्रकाशित मिति: शुक्रबार, माघ १६, २०८२ १७:१३

प्रतिक्रिया दिनुहोस्