ढोरपाटनमा पर्यटक आगमन बढ्दो , १० महिनामै साढे ४ करोड राजस्व संकलन

समाज

गृहपृष्ठ
समाज

ढोरपाटनमा पर्यटक आगमन बढ्दो , १० महिनामै साढे ४ करोड राजस्व संकलन

choicekhabar शनिबार, जेठ १२, २०८१

नेपालको एक मात्र सिकार आरक्ष ढोरपाटनमा पर्यटक आगमन बढ्न थालेसँगै राजस्व संकलनसमेत वृद्धि हुन थालेको छ । सिकार आरक्ष कार्यालयले चालु आर्थिक वर्षको १० महिनामा चार करोड ४८ लाख १५ हजार राजस्व संकलन गरेको छ । खास गरी ढोरपाटनमा विदेशी पर्यटक सिकार खेल्न र आन्तरिक पर्यटक घुमफिर गर्न आउने गरेका छन् । २०४४ सालमा स्थापना भएको सिकार आरक्षमा विदेशी पर्यटकका लागि उत्कृष्ट गन्तव्य मानिँदै आएको छ ।

अघिल्लो आर्थिक वर्षमा तीन करोड ४८ लाख मात्रै राजस्व संकलन भएकामा यो आर्थिक वर्षको अन्त्यमा दोब्बर संकलन गर्ने सिकार आरक्षले लक्ष्य राखेको छ । ढोरपाटनमा वर्षमा दुई याम सिकारका लागि खुला गरिन्छ । पहिलो याम ९असोज(मंसिर० र दोस्रो सिजन ९फागुन(वैशाख० हो । यस वर्ष दुई याममा ३० वन्यजन्तुको सिकार भएको छ । चालु आर्थिक वर्षमा सिकार अनुज्ञापत्र शुल्कबाट मात्रै चार करोड २६ लाख राजस्व संकलन भएको ढोरपाटन सिकार आरक्षका प्रमुख संरक्षण अधिकृत वीरेन्द्र कँडेलले जानकारी दिए ।

अनुज्ञापत्र शुल्कबोहक यस वर्ष पर्यटक प्रवेश शुल्कबाट ११ लाख ६५ हजार, काठ, नदीजन्य वस्तु र जरिवानाबाट नौ लाख चार हजार तथा हेलिकोप्टर अवतरण गराएबापत ५७ हजार रुपैयाँ राजस्व संकलन भएको उनको भनाइ छ । गत वर्षको तुलनामा यस वर्ष पर्यटकको संख्यासमेत बढेको छ । अघिल्लो वर्ष सात हजार छ सय ४५ पर्यटक आएकामा यस वर्ष नौ हजार चार सय ३६ पर्यटक आएको कँडेलले जानकारी दिए । वन्यजन्तुको सिकार भने गत वर्ष र यस वर्ष ३०३० वटा नै भएको उनको भनाइ छ ।

वन्यजन्तु तथा राष्ट्रिय निकुञ्ज विभागले कोटाका आधारमा सिकारीको ठेक्का खुलाउने र ठेक्का पर्ने सिकार ढोरपाटन आउने गर्छन् । आर्थिक वर्ष २०७८(७९ मा भने नौ हजार नौ सय १९ पर्यटक भित्रिएकोमा एक करोड ७५ लाख ७७ हजार मात्रै संकलन भएको थियो । आर्थिक वर्ष २०७६(७७ मा ३७ लाख र २०७७(७८ मा २० लाख रुपैयाँ मात्रै संकलन भएको थियो । पछिल्लो दुई वर्ष राजस्व संकलनको दर बढ्दै गएको संरक्षण अधिकृत कँडेल बताउँछन् ।

प्रकाशित मिति: शनिबार, जेठ १२, २०८१ १२:२२

प्रतिक्रिया दिनुहोस्