आज बीरगंजबाट दैनिक रुपमा प्रकाशित प्रतिक दैनिकको ४० औं बार्षिकोत्सव तथा स्वर्गीय सुबोध सिँह स्मृति पत्रकारिता पुरस्कार बितरण समारोह सम्पन्न भएको छ । मधेश प्रदेशका भूमि व्यवस्था, कृषि तथा सहकारी मन्त्री श्याम पटेलले निष्ठाको पत्रकारिता गर्ने पत्रकारहरूले नै समस्या भोगिरहेको भन्दै चिन्ता व्यक्त गरेका छन्। वीरगञ्जबाट प्रकाशित हुने प्रतीक दैनिकको वार्षिक उत्सव समारोहमा बोल्दै मन्त्री पटेलले पछिल्लो समयको पत्रकारिता र राजनीतिमा खराब प्रवृत्तिको प्रवेश भएकाले दुवै क्षेत्र बदनाम भएको भन्दै असल मानिसहरूले यस्तो प्रवृत्तिलाई खबरदारी गर्नुपर्ने बताए।
‘अन्त केही गर्न नसक्ने र असफल भएकाहरू पत्रकारिता र राजनीतिमा छिर्ने क्रम बढेको छ। यसले यी क्षेत्रलाई नै बदनाम बनायो। यसमा हामी सचेत हुनुपर्छ,’ उनले भने। प्रतीक दैनिकले पत्रकारिताको क्षेत्रमा नमुना काम गरेको भन्दै प्रशंसासमेत गरे।
नेपाल पत्रकार महासंघ मधेशका अध्यक्ष श्याम बञ्जाराले पत्रकारिता समस्याबाट गुज्रिरहेको भन्दै राज्यले पत्रकारिता क्षेत्रमाथि पूर्वाग्रही व्यवहार गरेको आरोप लगाए।
पत्रकार महासंघ पर्साका अध्यक्ष ओमप्रकाश खनालले पत्रकारिताले स्थानीय राजनीतिक, आर्थिक, सामाजिक सरोकारहरूको उत्थानमा महत्वपूर्ण योगदान दिँदै आएको भन्दै स्थानीय र प्रदेश सरकारहरूले मिडियाको प्रवद्र्धनमा अपेक्षित काम नगरेको बताए। संघीय सरकार मिडियाप्रति पूर्वाग्रही भए पनि अन्य तहगत सरकारले स्थानीय सञ्चारमाध्यमको प्रवद्र्धन गर्नुपर्नेमा उनको जोड थियो।
प्रतिक दैनिकका प्रधानसम्पादक जगदीश शर्माले पत्रकारिताले पछिल्लो समयमा फरक खालको चुनौतिहरु सामना गरिरहेका बताए । प्रविधिका कारण मिडियमा अवसर र चुनौति दुवै भित्रिएको बताए । कार्यक्रमा विरगंज उधोग वाणिज्य संघका अध्यक्ष हरि गौतम,साहित्यकार गीता भण्डारी ,पत्रकार महेशचन्द्र गौतम, स्वर्गीय सुबोध सिँहका दाइ शुदर्शन सिँह, लगायतले प्रतिकलाई शुभकामना दिएका थिए । 
सो अवसरमा सुवोध स्मुति पत्रकारिता पुरस्कारबाट पत्रकार महेशचन्द्र गौतम ५१ हजारका्े नगद राशी सहित स्वर्गीय चिरन्जीवि र्कइराला स्मृति पुरस्कारबाट युवा , पत्रकार अर्जुन चौधरी, स्तम्भ्कार पुरस्कारबाट राजेनद्र कोइराला, सम्बाददाता चिरञ्जीबि सापकोटा, पे्रस कर्मचारी बिजय बहादुर श्रेष्ठदलाई पुरस्कृत गरिएको थियो । प्रतिकका निर्देशक बिन्दु शर्माको सभापतित्वमा भएको कार्यक्रमको संचालन धर्मेन्द्र चौरसियाले गर्नुभएको थियो ।
-1786957302.png)
-1786348777.jpg)
-1786870220.jpg)
