सामान्य विवादमा कानुमाथि कुटपिट, वडाध्यक्षका छोरासहित ३ जनाविरुद्ध जाहेरी

समाज

गृहपृष्ठ
समाज

सामान्य विवादमा कानुमाथि कुटपिट, वडाध्यक्षका छोरासहित ३ जनाविरुद्ध जाहेरी

choicekhabar आइतबार, भदौ २८, २०८३

पर्सा । सखुवा प्रसौनी गाउँपालिका–५ का वडाध्यक्ष अशेश्वर यादवका छोराहरूसहितको समूहले सामान्य विवादको विषयलाई लिएर मुकेश साह कानुमाथि कुटपिट गरी घाइते बनाएको आरोप लागेको छ।

गत शुक्रबार राति गाउँमा भएको सामान्य विवाद तथा भनाभनको विषयलाई लिएर वडाध्यक्ष यादवका छोराहरू दिलीप प्रसाद यादव, पप्पु यादव तथा छिमेकी जितेन्द्र यादवसहितको समूहले आफूलाई कुटपिट गरेको घाइते कानुले बताएका छन्।

कानुका अनुसार कुटपिटबाट उनको हात तथा टाउकोमा गम्भीर चोट लागेको छ। हाल उनको पोखरिया अस्पतालमा उपचार भइरहेको जनाइएको छ।

घटनामा संलग्न भएको आरोप लागेका व्यक्तिहरूविरुद्ध आफूले जिल्ला प्रहरी कार्यालयमा किटानी जाहेरी दिएको कानुले बताएका छन्।

यस विषयमा जिल्ला प्रहरी कार्यालय पर्साका प्रहरी नायब उपरीक्षक तथा प्रवक्ता चक्र मल्लसँग जानकारी लिँदा घटनाबारे कानुनबमोजिम कारबाही प्रक्रिया अघि बढाइने बताएका छन्। सामान्य विवादकै विषयमा सामूहिक रूपमा कुटपिट वा आक्रमण गरिएको पुष्टि भए दोषीलाई कानुनअनुसार कारबाही हुने डिएसपी मल्लले बताएका छन्।

घटनाबारे प्रहरीले थप अनुसन्धान गरिरहेको जनाएको छ।

प्रकाशित मिति: आइतबार, भदौ २८, २०८३ १२:४५

प्रतिक्रिया दिनुहोस्