क्रिकेटप्रमीहरु टी–२०को प्रतीक्षा गर्दै

खेलकुद

गृहपृष्ठ
खेलकुद

क्रिकेटप्रमीहरु टी–२०को प्रतीक्षा गर्दै

choicekhabar बिहीबार, जेठ १७, २०८१

काठमाडौं । क्रिकेटप्रेमीहरू टी–२० विश्वकपको व्यग्र प्रतीक्षामा छन् । वेस्ट इन्डिज र अमेरिकाको आयोजनामा जुन २ बाट सुरू हुने यो मेगा इभेन्टमा कुल २० टिमको सहभागिता रहेको छ । टी–२० विश्वकपको एउटै संस्करणमा यति धेरै टोली सहभागी भएको यो पहिलो पटक हो ।

सबै टोलीलाई चार समूहमा विभाजन गरिएको छ । प्रत्येक समुहमा पाँच टोलीले एकअर्काको सामना गर्नेछन् र प्रत्येक टोलीबाट दुई टोली सुपर ८ राउण्डका लागि छनोट हुनेछन् । यस्तो अवस्थामा यस विश्वकपमा ३ वटा टोली पहिलो पटक प्रतियोगितामा सहभागी भइरहेका छन् । जानौं ती तीन टोली कुन –कुन हुन् ।

युगान्डा टोली
अफ्रिकी देश युगाण्डाको टोली पहिलो पटक टी–२० विश्वकप खेल्दैछ । टोलीले रूवाण्डालाई ९ विकेटले पराजित गर्दै टी–२० विश्वकप अफ्रिका छनोटमा शीर्ष २ स्थान हासिल गर्दै छनोट भएको हो ।

क्यानाडा
एकदिवसीय विश्वकप खेलेको क्यानडाले क्रिकेटको सबैभन्दा छोटो फर्म्याटको मेगा इभेन्टमा भागमा पहिलो पटक भाग लिदैँछ । क्यानडाको टोलीको पहिलो खेल अमेरिकासँग छ । क्यानडालाई समूह ‘ए’मा राखिएको छ, जसमा भारत, पाकिस्तान, अमेरिका र आयरल्याण्ड छन् ।

अमेरिका
यो सूचीमा आयोजक देश अमेरिका पनि छ, जसले पहिलो पटक टी–२० विश्वकपमा भाग लिदैँछ ।

प्रतियोगितामा सहभागी हुनका लागि अमेरिकाले क्वालिफायर खेल्नुपरेको थिएन र आयोजकको हिसाबले स्वतः छनोट भएको हो । अमेरिकाले भर्खरै टेष्ट राष्ट्र बंगलादेशविरूद्धको तीन खेलको टी २० सिरिज २–१ ले जितेको छ ।

प्रकाशित मिति: बिहीबार, जेठ १७, २०८१ १४:१७

प्रतिक्रिया दिनुहोस्