च्याम्पियन्स लिग फाइनल आज हुदैँ

खेलकुद

गृहपृष्ठ
खेलकुद

च्याम्पियन्स लिग फाइनल आज हुदैँ

choicekhabar शनिबार, जेठ १९, २०८१

युइएफए च्याम्पियन्स लिगको फाइनल आज राति हुदै छ । फाइनलमा स्पेनिस च्याम्पियन रियल मड्रिड र जर्मनी क्लब बोरुसिया डर्टमण्डखेल्दै छन् । इङल्याण्डको विम्बली स्टेडियममा हुने यो फाइनल खेल नेपाली समय अनुसार राति १२ः४५ बजेदेखि हुदै छ ।

रियल मड्रिडले सेमिफाइनलमा जर्मनी क्लब बायर्न म्युनिखलाई पराजित गर्दै फाइनलमा पुगेको थियो भने डर्टमण्डले फ्रेन्च क्लब पिएसजीलाई पराजित गर्दै फाइनलमा पुगेको हो ।

यस अघि सबैभन्दा बढी १४ पटक च्याम्पियन्स लिग जितेको रियल मड्रिड आफ्नो १५औं उपाधिका लागि फाइनल खेल्दै छ । रियल मड्रिड च्याम्पियन्स लिगको इतिहासमा १८औं फाइनल खेल्दै छ । रियल मड्रिडले पछिल्लो पटक २०२२ मा च्याम्पियन्स लिग जितेको थियो । रियल मड्रिड फाइनलमा पुगेर तीन पटक मात्र उपविजेता बनेको छ । सन् १९६२, १९६४ र १९८१ मा रियल मड्रिड फाइनलमा पुगेर हारेको थियो । त्यस यता फाइनलमा पुगेर रियल मड्रिड अहिलेसम्म पराजित भएको छैन ।

त्यस्तै डर्टमण्ड भने तेस्रो पटक च्याम्पियन्स लिगको फाइनल खेल्दै छ । यस अघि एक पटक १९९७ मा च्याम्पियन्स लिग जितेको डर्टमण्ड पछिल्लो पटक २०१३ मा च्याम्पियन्स लिगको फाइनल खेलेको थियो ।

प्रकाशित मिति: शनिबार, जेठ १९, २०८१ १३:५३

प्रतिक्रिया दिनुहोस्