अमेरिका पहिलो पटक भारतसँग भिड्दै टी २० विश्वकप क्रिकेट

खेलकुद

गृहपृष्ठ
खेलकुद

अमेरिका पहिलो पटक भारतसँग भिड्दै टी २० विश्वकप क्रिकेट

choicekhabar बुधबार, जेठ ३०, २०८१

काठमाडौँ – भारतसँग पहिलो पटक भिड्दै अमेरिका टी २० विश्वकप क्रिकेट अन्तर्गत समूह ‘ए’ को आफ्नो तेस्रो खेलमा बुधबार भारत र अमेरिका प्रतिस्पर्धा गर्दै छन्। लगातार दुई खेल जितेका दुबै टोली तेस्रो जितको खोजिमा रहेका छन्।
आजको खेल जित्ने टोलीले शीर्ष आठमा स्थान बनाउनेछ। अमेरिका पहिलो पटक भारतसँग कुनै पनि फर्म्याटको क्रिकेटमा प्रतिस्पर्धा गर्न लागेको हो। यो खेल भारत र अमेरिकाका लागि जस्तै पाकिस्तानका लागि महत्वपूर्ण छ। अघिल्लो चरणको झिनो आसा कायम राख्न आजको खेलमा भारतले अमेरिकालाई पराजित गरे तुलनात्मक रुपमा पाकिस्तानलाई सहज हुनेछ।
किनकि अन्तिम खेलमा भारतले क्यनडा र अमेरिकाले आयरल्यान्डसँग खेल्नु पर्ने छ। यस्तोमा अमेरिका आज हारेमा आयरल्यान्ड विरुद्धको खेल निर्णायक हुनेछ। यद्यपि भारत हारेमा भने अन्तिम खेलमा क्यानडाले भारतलाई हराउनु पर्ने हुन्छ। जुन निकै मुस्किल मानिएको छ। खेल न्युयोर्क स्थित नासाउ क्रिकेट स्टेडियममा राती ८१५ मा सुरु हुने छ। प्रतियोगिताको आफ्नो पहिलो खेलमा क्यानडालाई हराएको अमेरिकाले दोस्रो खेलमा पाकिस्तानलाई सुपर ओभरमा पराजित गरेको थियो।
भारतले भने पहिलो खेलमा आयरल्यान्ड र दोस्रो खेलमा पाकिस्तानलाई हराएको थियो। भारत विरुद्ध खेल्ने अमेरिकी टोलीका अधिकांस सदस्य भारतीय मुलुककै रहेका छन्। ८ भारतीय मुलुकका खेलाडी अमेरिकी टोलीमा रहेका छन्। त्यसैले यो खेललाई एक प्रकारले भारतीय विरुद्ध भारतीयको प्रतिस्पर्धाका रुपमा समेत हेरिएको छ।

प्रकाशित मिति: बुधबार, जेठ ३०, २०८१ १५:३४

प्रतिक्रिया दिनुहोस्