वीरगंज कारागारमा प्रशासन नाईके र चौकिदारको ब्रम्हलुट, कैदी

समाचार

गृहपृष्ठ
समाचार

वीरगंज कारागारमा प्रशासन नाईके र चौकिदारको ब्रम्हलुट, कैदी–बन्दी सताईदै, दैनिक लाखौ अपचलन

राकेश साह आइतबार, साउन १३, २०८१

वीरगंज कारागारमा चौकिदारको नाममा अर्कै व्यक्तिले रजगज गरेको खुलेको छ । कारागार भित्र चौकिदारको जिम्मेवारी नवलकिसोर पटेल ले पाएपनि उनको सारा काम दिनेश सर्राफले गर्ने गरेका छन । सर्राफले भित्रि रुपमा सेटिङ्ग मिलाएर चौकिदारको भुमिकामा खट्ने गरेका छन । सर्राफले मोबाईल बोक्ने देखि लिएर आर्थिक कारोवार सम्मको काम गर्ने गरेका छन । यति मात्र होईन उनी दिनहू वीरगंज १८ भेडियाही घरमा पनि पुग्ने गरेका छन । लागुऔषध मुद्दामा ८ बर्ष कैदा भुक्तान गरिसकेका सर्राफले अझैपनि कारागार भित्रै बसेर रजगज गरिरहेको नाम नछाप्ने शर्तमा एक कर्मचारीले जानकारी दिए ।
लागुऔषध मुद्दामा सजाय भुक्तान गरिसकेका सर्राफले काठमाडौंमा बिचारधिन अर्को लागु औषध मुद्दामा जरिवाना वापत कारागारमा थुनुवा बसेका छन । थुनुवालाई चौकिदार र आउटडोर बस्ने नियम नभएपनि उनी आर्थिक सेटिङ्ग मिलाएर चौकीदार र आउटडोर बस्ने गरेका छन ।उनी दुई बर्ष आउटडोर र दुई बर्ष अबैध तरिकाले चौकिदारको भुमिकामा काम गर्दै आएका छन ।
यसैगरी कारागार भित्र निर्माण भवनमा समेत आर्थिक चलखेल भएको खुलेको छ । नाईके र जेलर को मिलोमतोमा भवन निर्माणमा व्यापक चलखेल भएको खुलेको हो । भवन निर्माण हुदा कैदीबन्दीलाई काममा खटाएर त्यस बापतको ज्याला समेत नाइके र जेलर मिलेर खाएको श्रोतको दावी छ ।

यसैगरी जेलर चौकिदार र नाइकेको मिलेमतोमा कारागार भित्र पर्व मनाउने र मनोरञ्जनको नाममा आर्थिक ब्रम्हलुट गरिएको खुलेको छ । नाईके बिकी अग्रवालको सक्रियतामा पर्व मनाउन तथा मनोरञ्जनको नाममा कैदिलाई आर्थिक शोषण गरिएको खुलेको छ । तिहारमा लौण्डा नाचको लागि प्रति कैदि एक हजारको दरले रकम उठाएर व्यापक भ्रष्टाचार गरिएको श्रोतको दावि छ । चौध सय कैदिबन्दिबाट करिब १४ लाख संकलन गरि व्यापक भ्रष्टाचार गरिएको आरोप छ । कारागार भित्र कैदिहरुलाई आर्थिक शोषण गरि ,चौकिदार र नाईकेले आर्थिक आतंक मच्चाएको श्रोतको दावी छ ।
कारागार भित्र संचालित पसल र मेसमा पनि व्यापक आर्थिक चलखेल हुने गरेको छ । बजार भन्दा निकै महँगोमा समान खरिद बिक्रि संगै मेसमा तल्लो स्तरको खाना खुवाउने गरिएको श्रोतको दावि छ ।
यसबारे दिनेश सर्राफ संग बुझदा आफु सहायक चौकिदारको भुमिकामा रहेर काम गरिरहेको बताए । सर्राफले आफुमाथि लागेका सवै आरोपहरुमा सत्यता नरहेको र बरु उल्टै कहिल्य नभएको सुधार गरिएको प्रतिक्रिया दिनुभयो ।
यता यसबारे जेलर संग ९८५५०१०७७७ मा सम्पर्क गर्न खोज्दा उनको मोबाईल उठेन । बिगतका दिनमा कारागारमा कार्यरत प्रहरी प्रमुख र अन्य माथिल्लो तहका सुरक्षाकर्मीहरुलाई समेत मासिक रुपमा मोटो नजराना उठाउने गरिएको थियो यो परम्पराको निरन्तरता अहिले छ कि छैन भनि कारागारका प्रमुखसँग सम्पर्क हुन भने सकेन ।