मदनकृष्णको चुट्किला सुन्न पुगे ओली, बाबुराम र गगनसहितका नेता

मनोरन्जन

गृहपृष्ठ
मनोरन्जन

मदनकृष्णको चुट्किला सुन्न पुगे ओली, बाबुराम र गगनसहितका नेता सिस्नुपानी नेपालको आयोजना र पाठशाला नेपालको सहकार्यमा आयोजित कार्यक्रममा उनले प्रस्तुति दिए ।

choicekhabar सोमबार, असोज २२, २०८०

काठमाडौं : हास्य कलाकार मदनकृष्ण श्रेष्ठ हालैको एक अपरान्ह रमाइलो मुडमा सुनिए । उनी दर्शकलाई जोक्स सुनाइरहेका थिए । गीत सुनाएर दर्शकलाई मन्त्रमुग्ध बनाइरहेका थिए ।

काठमाडौंमा आयोजित ‘मदनकृष्ण नाट्यशाला’मा दर्शकले मदनकृष्णको अर्को आयाम देख्न पाए । उनले आफ्नो जीवनी, कलाकारिता र बितेका रमाइला क्षणलाई दर्शकसामु पस्किए । आफूलाई सुन्न दर्शकदीर्घामा आसिन पूर्वप्रधानमन्त्री केपी शर्मा ओलीलाई पनि उनले कटाक्ष गर्न भ्याए ।

सिस्नुपानी नेपालको आयोजना र पाठशाला नेपालको सहकार्यमा आयोजित कार्यक्रममा उनले प्रस्तुति दिए । जहाँ हिट र कालजयी गीत प्रस्तुत गरे । श्रेष्ठको स्वास्थ्य लाभ र पारिवारिक साधनाको प्रस्तुतिमा उनले आफ्ना कालजयी गीत पस्किए ।

मदनकृष्णलाई सुन्न दर्शकदीर्घमा पूर्वप्रधानमन्त्रीहरु केपी शर्मा र डा। बाबुराम भट्टराई, संस्कृति, पर्यटन तथा नागरिक उड्डयनमन्त्री सुदन किराती, कांग्रेस महामन्त्रीद्वय गगन थापा र विश्वप्रकाश शर्मालगायत संवैधानिक अंगका विशिष्ट व्यक्ति, चिकित्सक सन्दुक रुइत लगायत पनि सहभागी रहे ।

प्रकाशित मिति: सोमबार, असोज २२, २०८० १०:४१

प्रतिक्रिया दिनुहोस्