पाँच करोड ठगी, विदेशी रोजगार ठगीमा इन्टरपोलको रेड नोटिसबाट फरार बिनु शाक्य पक्राउ

समाचार

गृहपृष्ठ
समाचार

पाँच करोड ठगी, विदेशी रोजगार ठगीमा इन्टरपोलको रेड नोटिसबाट फरार बिनु शाक्य पक्राउ

choicekhabar मंगलबार, कात्तिक २०, २०८१

काठमाडौं । वैदेशिक रोजगारीको निहुँमा ठगी गर्दै फरार रहेकी सिन्धुपाल्चोककी बिनु शाक्यलाई कम्बोडियाबाट पक्राउ गरी सोमबार नेपाल ल्याइएको छ। नेपाल प्रहरीले इन्टरपोलको कम्बोडिया शाखासँगको सहकार्यमा शाक्यलाई पक्राउ गरी कानुनी कारबाहीका लागि स्वदेश ल्याएको हो।

नेपाल प्रहरीका प्रवक्ता प्रहरी नायब महानिरीक्षक (डीआईजी) दानबहादुर कार्कीका अनुसार, बिनुले सिङ्गापुरमा रोजगारीको प्रलोभन देखाई ४० भन्दा बढी व्यक्तिबाट पाँच करोड दुई लाख ९४ हजार रुपैयाँ ठगी गरेकी थिइन्। ठगी घटनामा संलग्न रहेको आरोपमा शाक्यविरुद्ध इन्टरपोल शाखाले २०७९ माघ १९ गते रेड नोटिस जारी गरेको थियो।

शाक्यसँगै उदयपुर त्रियुगा नगरपालिका–१० का सुजन आचार्य पनि ठगी घटनामा संलग्न रहेको भन्दै उनीहरू दुवैजनालाई इन्टरपोलको सहयोगमा खोजी भइरहेको थियो। यसै क्रममा गत असोज १ गते उनीहरू दुवैलाई कम्बोडियामा पक्राउ गरिएको थियो। सुजनलाई कात्तिक ९ गते नेपाल ल्याइएको भए पनि, शाक्यलाई सोमबार मात्र थप कानुनी कारबाहीका लागि काठमाडौंको कालिमाटी प्रहरी वृत्तमा बुझाइएको छ।

नेपाल प्रहरीले यो घटनामा पीडितलाई न्याय दिलाउनका लागि अन्तर्राष्ट्रिय समन्वय गरेर ठगहरूलाई कानुनी कठघरामा उभ्याउन कडा कदम चालेको जनाएको छ।

प्रकाशित मिति: मंगलबार, कात्तिक २०, २०८१ १०:५७

प्रतिक्रिया दिनुहोस्