विराटनगर किंग्सले दियो जनकपुर बोल्ट्सलाई १२८ रनको लक्ष्य

खेलकुद

गृहपृष्ठ
खेलकुद

विराटनगर किंग्सले दियो जनकपुर बोल्ट्सलाई १२८ रनको लक्ष्य

choicekhabar शनिबार, मंसिर १५, २०८१

सिद्धार्थ बैंक नेपाल प्रिमियर लिग (एनपीएल) अन्तर्गत पहिलो खेलमा विराटनगर किंग्सले जनकपुर बोल्ट्सलाई १२८ रनको लक्ष्य दिएको छ।

आज सुरु भएको एनपीएलको पहिलो खेलमा विराटनगर किंग्सले टस हारेर ब्याटिङको निम्तो पाएको थियो। निर्धारित १९ ओभरमा टोलीले १२७ रनमा सबै विकेट गुमायो।

विराटनगरका ओपनर मार्टिन गप्टिलले ३६ बलमा अर्धशतक पूरा गर्दै एनपीएलको इतिहासमा पहिलो अर्धशतक बनाउने खेलाडी बन्ने गौरव हासिल गरे। गप्टिलले ४३ बलमा ७ चौका र १ छक्का प्रहार गर्दै ५५ रन जोडे। उनी जनकपुरका बलर हर्ष ठाकुरको बलमा अनिल शाहबाट क्याच भए।

गप्टिलबाहेक विराटनगरका अन्य खेलाडीले खासै प्रभाव जमाउन सकेनन्। अकिब इल्यासले १८ बलमा १५ रन बनाए भने अन्य ब्याटरले दोहोरो अंक पार गर्न सकेनन्। एक समय ७६ रनमा २ विकेटको स्थितिमा रहेको विराटनगरले १२७ रन जोड्दै सबै विकेट गुमायो।

बलिङतर्फ जनकपुर बोल्ट्सका ललितनारायण राजवंशीले आफ्नो पहिलो ओभरमै ३ विकेट लिएर उत्कृष्ट प्रदर्शन गरे। किशोर महतो र हर्ष ठाकरले समान २ विकेट लिए भने बेन माइक र मोहम्मद मोहसिनले १÷१ विकेट हात पारे।

अब जनकपुर बोल्ट्सले १२८ रनको लक्ष्य पछ्याउँदै मैदानमा उत्रनेछ।

प्रकाशित मिति: शनिबार, मंसिर १५, २०८१ १४:४१

प्रतिक्रिया दिनुहोस्