नवदीपलाई ४–० गोलले हराउदै लिटिल फ्लावरले उचाल्यो जुनियर फुटबल प्रतियोगिताको उपाधि

खेलकुद

गृहपृष्ठ
खेलकुद

नवदीपलाई ४–० गोलले हराउदै लिटिल फ्लावरले उचाल्यो जुनियर फुटबल प्रतियोगिताको उपाधि

choicekhabar सोमबार, फागुन १२, २०८१

वीरगञ्ज : विपद व्यावस्थापन गुल्मको खेल मैदानमा नवदीप एकेडेमी र लिटिल फ्लावर माविबीच अन्तिम खेलमा नवदीपलाई ४–० गोलले लिटिल फ्लावर मावि विजयी हात पारेको छ ।
विजेता टिमलाई प्रमुख अतिथि जिल्ला प्रहरी कार्यालय पर्साका प्रमुख प्रहरी उपरीक्षक गौतम मिश्रले शील्ड, मेडल प्रमाणपत्र वितरण गर्नुभएको थियो ।उहाँले खेल क्षेत्र बाट शारीरिक स्वास्थ्य रहनुको साथै देश विदेशमा पहिचान दिने र अनुशासन सिकाउने एउटा माध्यम रहेको बताएका हुन ।अहिले खेल क्षेत्र बाट पनि आफ्नो आयस्रोत जोड्न सक्ने वातावरण बनिरहेको एसपी मिश्रले बताएका छन् ।
प्याब्सन पर्साका अध्यक्ष सरोज प्रसाद चौधरीको अध्यक्षतामा भएको कार्यक्रममा प्याब्सनका केन्द्रीय सदस्य छेडुप लामा, प्याब्सनका पूर्व केन्द्रीय सदस्य तथा बरिष्ठ सल्लाहकार प्रकाश उपाध्याय, नेपाल पत्रकार महासंघका अध्यक्ष ओमप्रकाश खनाल,प्रेस सेन्टर नेपालका केन्द्रीय सदस्य जगत राई,प्रेस सेन्टर नेपालका मधेस प्रदेशका अध्यक्ष नीरज पिठाकोटे मगर, सामाजिक अभियन्ता प्रकाश थारू, दिलिपराज कार्की, वीरगन्ज युवा समाजका संस्थापक अध्यक्ष कमल चौगाँई,प्याब्सन मधेस प्रदेशका सल्लाहकार इमामुदिन अहमद,प्याब्सन पर्साका वरिष्ठ उपाध्यक्ष सुशीला साह,उपाध्यक्ष विरेन्द्र यादव ,कोषाध्यक्ष प्रविन चौधरी ,कार्यक्रम संयोजक शुलभ केसी , लगायतको उपस्थित रहेको थियो ।
प्रतियोगितामा नवदीप एकेडेमी दोस्रो, ठोरी एकेडेमी तेस्रो र ज्ञानज्योती माविले सान्त्वना पुरस्कार प्राप्त गरेका छन् । कार्यक्रमको सहजीकरण प्याब्सनका सचिव अशोक संग्रौलाले गरेका थिए ।अहिले जसरी भारतमा कुम्भ मेला लागेको छ त्यसरी नै प्याब्सन पर्साले खेल क्षेत्रमा कुम्भ मेला जस्तै एक हप्ता देखि जुनियर फुटबल तथा क्रिकेट प्रतियोगिता आयोजना गरेको प्याब्सन पर्साका अध्यक्ष सरोज प्रसाद चौधरीले जानकारी दिनुभएको छ

प्रकाशित मिति: सोमबार, फागुन १२, २०८१ १८:०३

प्रतिक्रिया दिनुहोस्