नेपाल घुम्ने आएकी अमेरिकी महिलालाई अपहरण गरेको आरोपमा एक नेपाली महिला पक्राउ

समाचार

गृहपृष्ठ
समाचार

नेपाल घुम्ने आएकी अमेरिकी महिलालाई अपहरण गरेको आरोपमा एक नेपाली महिला पक्राउ

choicekhabar बिहीबार, चैत १४, २०८१

पोखरा । नेपाल घुम्न आएकी अमेरिकी महिलालाई अपहरण गरेको आरोपमा प्रहरीले नेपाली एक महिलालाई पक्राउ गरेको छ । पक्राउ पर्नेमा नुवाकोट बेलकोटगढी नगरपालिका-४ बस्ने वर्ष ३७ की सरिता लामा रहेकी छन् ।

अमेरिकन राहदानी वाहक ७० वर्षीया महिला आफ्नो साथीहरुसँग मुक्तिनाथ मन्दिर घुम्नका लागि नेपाल आएकी थिइन् । कास्कीको पोखरा लेकसाइडस्थित एक होटलमा बसेकी अमेरिकी महिलालाई लामाले मंगलबार अपहरण गरी बन्धक बनाएकी थिइन् ।

उनले महिलालाई पोखराबाट अपहरण गरी फिरौतीबापत ३ लाख यूरो मागेको भन्दै नेपालस्थित अमेरिकी दुतावासले सूचना दिएको थियो ।

दुतावासको सुचनाको आधारमा तत्काल जिल्ला प्रहरी कार्यालय कास्कीबाट शुरु गरिएको अनुसन्धान पश्चात् केन्द्रिय अनुसन्धान व्यूरो र जिल्ला प्रहरी कार्यालय मकवानपुरको सहकार्यमा पीडित महिलाको उद्धार गरिएको हो ।

उनलाई मकवानपुर हेटौडा उपमहानगरपालिका–१९ नेवारपानी स्थितबाट सकुशल उद्दार गरिएको जिल्ला प्रहरी कार्यालय कास्कीका निमित्त सूचना अधिकारी प्रहरी निरीक्षक अभिनाश दिप जीसीले जानकारी दिए ।

लामालाई कास्की जिल्ला अदालतबाट अपहरण तथा शरीर बन्धक कसूरमा ७ म्याद थप गरी अनुसन्धान प्रकृया अगाडि बढाइएको उनले जानकारी दिए ।

प्रकाशित मिति: बिहीबार, चैत १४, २०८१ १३:०३

प्रतिक्रिया दिनुहोस्