२० निर्माण कम्पनी तथा आपूर्तिकता सरकारको कालो सूचीमा

समाचार

गृहपृष्ठ
समाचार

२० निर्माण कम्पनी तथा आपूर्तिकता सरकारको कालो सूचीमा

choicekhabar मंगलबार, मंसिर १८, २०८१

वीरगञ्ज । सार्वजनिक खरिद अनुगमन कार्यालयले २० वटा निर्माण कम्पनी र आपूर्तिकर्ताहरुलाई कालो सूचीमा राखेको छ। प्रधानमन्त्री तथा मन्त्रिपरिषद्को कार्यालय अन्तर्गत रहेको यस कार्यालयले १ देखि ३ वर्षसम्मका लागि ती कम्पनी तथा व्यवसायीहरुलाई कालो सूचीमा राखेको हो।

निर्माण र आपूर्तिका कार्यमा तोकिएको मापदण्ड पूरा नगर्ने, समयमा काम नगर्ने, सम्झौताअनुसार कार्य सम्पन्न नगर्ने तथा अन्य विभिन्न कारणले सार्वजनिक खरिद ऐनअनुसार उनीहरूलाई कालो सूचीमा राखिएको जनाइएको छ।

कालो सूचीमा परेका कम्पनीहरू अब सार्वजनिक खरिद प्रक्रियामा सहभागी हुनबाट रोकिएका छन्। कार्यालयले जिम्मेवार र पारदर्शी प्रक्रियाको सुनिश्चितताका लागि यस्तो कदम चालिएको जनाएको छ।

सरकारले सार्वजनिक खरिद प्रणालीलाई सुधार गर्न र जिम्मेवार ठेकेदार र आपूर्तिकर्ता चयनमा ध्यान दिन यस्तो कदम चालेको हो। यो निर्णयले अन्य निर्माण कम्पनी र आपूर्तिकर्ताहरुलाई पनि समयमै काम सम्पन्न गर्न र मापदण्डको पालना गर्न प्रेरणा दिने अपेक्षा गरिएको छ । सरकारको यो कदमले सार्वजनिक निर्माण कार्यको गुणस्तर र पारदर्शितामा सुधार ल्याउने विश्वास गरिएको छ।