उपप्रधान एवम् शहरी विकास मन्त्री सिंहले गरे विश्व प्रसिद्ध गढीमाई मेलाको अवलोकन

समाचार

गृहपृष्ठ
समाचार

उपप्रधान एवम् शहरी विकास मन्त्री सिंहले गरे विश्व प्रसिद्ध गढीमाई मेलाको अवलोकन

choicekhabar मंगलबार, मंसिर १८, २०८१

प्रत्येक पाँच पाँच बर्षमा लाग्ने विश्व प्रसिद्ध गढीमाई मेलाको उपप्रधानमन्त्री एवम् शहरी विकास मन्त्री प्रकाशमान सिंहले अवलोकन तथा निरिक्षण गरेका छन । मंगलबार शहरी बिकास मन्त्री सिंहले बरियारपुर पुगेर गढीमाई दर्शन गर्नुको साथ साथै मेलाको अवलोकन तथा निरिक्षण गरेका हुन ।

मंसिर १ गते देखि सुरु भएको मेलाको मुल पूजा सोमबार उपराष्ट्रपति रामसहाय प्रसाद यादवले उद्घाटन गरे संगै सुरु भएको छ । बिश्वमै नेपालको ठूलो पहिचान बनाएकोे गढीमाई दर्शन गर्न आउँदा मनोकामना र आफुले मागेको कुरा पूरा हुने भएकोले आफुले दर्शन गर्न पाउँदा निकै खुशी महसुस गरेको बताए ।

बिश्वमै पशु बलिको लागि प्रख्यात मेला हो यहाँ नेपाल,भारत लगाएत विभिन्न देश बाट दर्शनार्थीहरु दर्शन गर्न आउने गरेको छ ।यस बर्षको गढीमाई मेलामा मंसिर २३ र २४ गते पशु बलि दिइने कार्यक्रम तय भएको छ । अहिले विश्व प्रसिद्ध गढीमाई मेला अवलोकन गर्न आउने दर्शनार्थीहरुको घुइँचो लाग्न सुरु भएको मेला मुल ब्यवस्थापन समितिले जनाएको छ ।

प्रकाशित मिति: मंगलबार, मंसिर १८, २०८१ १६:५८

प्रतिक्रिया दिनुहोस्