श्री सिरडी साई बाबा मन्दिर सेवा ट्रस्टद्वारा हिन्दू पत्रकार संघ नेपाल सम्मानित

समाज

गृहपृष्ठ
समाज

श्री सिरडी साई बाबा मन्दिर सेवा ट्रस्टद्वारा हिन्दू पत्रकार संघ नेपाल सम्मानित

choicekhabar बिहीबार, माघ १, २०८२

वीरगञ्ज, माघ १ । श्री सिरडी साई बाबा मन्दिर सेवा ट्रस्टको आयोजनामा हिन्दू पत्रकार संघ नेपालका केन्द्रीय कार्य समितिलाई सम्मान गरिएको छ।

कार्यक्रममा संघका केन्द्रीय पदाधिकारी, सदस्यहरू तथा समाजका विभिन्न क्षेत्रका विशिष्ट व्यक्तित्वहरूको उपस्थिति रहेको थियो। कार्यक्रमको उद्घाटन ट्रस्टका संरक्षक निरज सरार्फ र हिन्दू पत्रकार संघ नेपालका केन्द्रीय अध्यक्ष राजन रौनियारले संयुक्त रूपमा दीप प्रज्वलन गरी गरेका थिए।
धर्म, संस्कृति र पत्रकारितामार्फत समाजसेवामा पुर्‍याएको योगदानको उच्च मूल्यांकन गर्दै हिन्दू पत्रकार संघ नेपाललाई सम्मान गरिएको ट्रस्टले जनाएको छ। संघका अध्यक्षसहित सम्पूर्ण केन्द्रीय कार्य समितिका सदस्यहरूलाई दोसल्ला ओढाई सम्मान गरिएको थियो।
कार्यक्रममा बोल्दै संघका अध्यक्ष राजन रौनियारले पत्रकारिता सामाजिक उत्तरदायित्वसँग जोडिएको पेशा भएको उल्लेख गर्दै प्राप्त सम्मानले थप कर्तव्यबोध गराएको बताए। उनले समाजलाई सही दिशा दिने पत्रकारितासँगै धर्म र संस्कृतिको संरक्षण तथा प्रवर्द्धनमा पनि पत्रकारहरूको सशक्त भूमिका हुनुपर्नेमा जोड दिए।
ट्रस्टका अध्यक्ष प्रवेश सरार्फले यस्ता सम्मान कार्यक्रमले पत्रकारहरूलाई थप जिम्मेवार र प्रेरित बनाउने विश्वास व्यक्त गर्दै धर्म, संस्कृति र पत्रकारिताबीचको सहकार्यलाई अझ मजबुत बनाउने लक्ष्य ट्रस्टको रहेको बताए।
सम्मान ग्रहण गर्दै हिन्दू पत्रकार संघ नेपालका प्रतिनिधिहरूले श्री सिरडी साई बाबा मन्दिर सेवा ट्रस्टप्रति आभार व्यक्त गर्दै सत्य, निष्पक्ष र समाजहितमा केन्द्रित पत्रकारिता निरन्तर गर्ने प्रतिबद्धता जनाए।
कार्यक्रममा ट्रस्टका संरक्षक निरज सरार्फ, अध्यक्ष प्रवेश सरार्फ, उपाध्यक्ष संजय कुशवाहा, दीपेन्द्र श्रेष्ठ, आकाश सरार्फसहित ट्रस्टका सदस्यहरू तथा हिन्दू पत्रकार संघ नेपालका अध्यक्ष राजन रौनियार, उपाध्यक्ष विनोद पटेल, सचिव राज सरार्फ, कोषाध्यक्ष आनन्द पटेललगायत केन्द्रीय कार्य समितिका सम्पूर्ण सदस्यहरूको सहभागिता रहेको थियो।

प्रकाशित मिति: बिहीबार, माघ १, २०८२ १७:०५

प्रतिक्रिया दिनुहोस्