पर्सामा म्यादी प्रहरीको छनौट प्रक्रिया सुरु

समाज

गृहपृष्ठ
समाज

पर्सामा म्यादी प्रहरीको छनौट प्रक्रिया सुरु

choicekhabar सोमबार, माघ ५, २०८२

फागुन २१ गते हुने प्रतिनिधिसभा सदस्य निर्वाचनका लागि पर्सामा निर्वाचन प्रहरी( म्यादी प्रहरी)को छनोट प्रक्रिया सुरु भएको छ।

जिल्लाभरबाट आवेदन दिएका उम्मेदवारहरूको वीरगंज स्थित नारायणी रङ्गशालामा आजदेखि शारीरिक परीक्षण र अन्य छनोटका कामहरू सुरु गरिएको छ।पर्साका सहायक प्रमुख जिल्ला अधिकारी एवं निर्वाचन प्रहरी भर्ना छनोट तथा नियुक्ति समितिका संयोजक सुमनकुमार कार्कीले यस पटक निर्वाचन प्रहरीमा सहभागी हुन चाहनेहरूको उत्साहजनक उपस्थिति देखिएको बताए ।

छनोट प्रक्रियामा नेपाल प्रहरी, सशस्त्र प्रहरी बल, नेपाली सेना र राष्ट्रिय अनुसन्धान विभागको प्रत्यक्ष निगरानी रहने व्यवस्था मिलाइएको छ, जसले प्रक्रियालाई पूर्ण रूपमा पारदर्शी र वस्तुपरक बनाउनेछ।

जिल्लामा नेपाल प्रहरी र सशस्त्र प्रहरी दुवैतर्फ गरी कुल २,८५२ जना निर्वाचन प्रहरीको माग गरिएको थियो।
पर्सामा निर्वाचन म्यादी प्रहरीको लागि नेपाल प्रहरीले २,४६७ जनाको माग राखेको थियो भने यसका लागि ५,३९९ जनाले आवेदन दिएका छन्। यस्तै सशस्त्र प्रहरीको पक्षमा ३८५ जनाको माग गरिएकोमा ५७१ जनाले आवेदन दिएका छन्।

प्रकाशित मिति: सोमबार, माघ ५, २०८२ १३:४५

प्रतिक्रिया दिनुहोस्