वीरगंजका मसाज सेन्टरमा खुलेयाम यौन धन्दा, नियन्त्रण गर्न प्रहरीलाई चुनौती

समाज

गृहपृष्ठ
समाज

वीरगंजका मसाज सेन्टरमा खुलेयाम यौन धन्दा, नियन्त्रण गर्न प्रहरीलाई चुनौती

choicekhabar मंगलबार, जेठ १, २०८१

वीरगंजमा पछिल्लो समय खुलेका मसाज(स्पा) सेन्टरमा खुलेयाम यौनजन्य गतिबिधि भईरहेको समाचार प्राप्त भएको छ । च्याँउझै उम्रेका स्पा सेन्टरहरुमा मसाज भन्दा पनि यौन क्रियाकलाप बढि भईरहेको श्रोतको दावी छ ।
पछिल्लो समय यौन धन्दालाई बैद्यानिकता दिन मसाज सेन्टर सुरक्षित माध्यम बनेको छ । कानुनी रुपमा मसाज सेन्टरको रुपमा दर्ता भएपनि भित्रि रुपमा यौन धन्दा संचालन भईरहेका श्रोतको दावी छ । प्रहरीको छापामारीको डर समेत नहुने र ढुक्क भएर यौन क्रियाकलाप गर्न सहज हुने भएकोले वीरगंजमा धेरैको रोजाई मसाज सेन्टर बनेको छ ।
यता
पर्सा प्रहरीले बिना प्रमाण मसाज सेन्टरबाट यौनजन्य गतिबिधिमा संलग्नलाई पक्राउ गर्न समस्या भएको जनाएको छ । स्पा सेन्टरबाट कण्डम लगायत यौनजन्य समाग्री सहित रंगेहात पक्राउ नगरे सम्म कारवाही गर्न समस्या हुने प्रहरीको भनाई छ ।
मसाज सेन्टरमा यौन क्रियाकलाप भन्दा पनि ति ठाँउहरु माध्यम मात्र बनेको प्रहरीको दावी रहेको छ । । स्पा सेन्टरमा ह्यापी ईन्डिङ्गको नाममा यौनजन्य गतिबिधि अधिक हुनेगरेको दावी गर्दै प्रहरीले ठोस प्रमाण बिना त्यसलाई पनि पक्राउ गर्न नसकेकोे जनाएको छ । प्रहरीले ह्यापी ईन्डिङ्गकै समयमा पक्राउ गर्न सहज नभएको र आफै ग्राहक बनेर पनि पक्राउ गर्न कानुनी जटिलता भएको जनाएको छ । प्रहरीले वीरगंजबाट एक हप्ता अघि मात्र यौनजन्य गतिबिधिमा संग्लन २६ जना महिलाहरुलाई राती पक्राउ गरेको जनाएको छ । ईनर्वा देखि घण्टाघर सम्मका स्थानबाट ति महिलाहरुलाई पक्राउ गरिएको जनाएको छ । प्रहरीले कडाई गरेपछि अहिले वीरगंजमा खुलेयाम यौनजन्य क्रियाकलापमा कमी आएको दावी गरेको छ ।

वीरगंजमा खुलेका अधिकांश मसाज सेन्टरहरु मापदण्ड बिपरित संचालित रहेको श्रोतको दावी छ । वीरगंजमा लर्डस दियालो, एभरि डे स्पा सेन्टर,हेभेन स्पा सेन्टर,नमस्ते किंगस स्पा,हिलिङ्ग टच स्पा सेन्टर,क्लासिक स्पा सेन्टर लगायत दर्जन भन्दा बढी स्पा सेन्टर संचालनमा रहेका छन ।ति स्पा सेन्टरमा प्रति घण्टा रु ९९९ देखि १५०० प्रति घण्टा सेवा दिईरहेका छन ।

प्रकाशित मिति: मंगलबार, जेठ १, २०८१ १९:५४

प्रतिक्रिया दिनुहोस्