वीरगंज–२९ रतनपुरमा एमाले अगुवा भेला सम्पन्न, एकजुट भएर रिमा यादवलाई जिताउने प्रतिबद्धता

समाचार

गृहपृष्ठ
समाचार

वीरगंज–२९ रतनपुरमा एमाले अगुवा भेला सम्पन्न, एकजुट भएर रिमा यादवलाई जिताउने प्रतिबद्धता

राकेश साह मंगलबार, माघ २७, २०८२

नेकपा एमाले पर्सा-२ अन्तर्गत वीरगञ्ज महानगरपालिका वडा नम्बर–२९ रतनपुरमा आज वडा स्तरीय अगुवा भेला सम्पन्न भएको छ।
भेलालाई सम्बोधन गर्दै प्रमुख अतिथि बिचारी यादवले आगामी निर्वाचनमा एमाले उम्मेदवारलाई विजयी गराउन सबै नेता–कार्यकर्तालाई एकजुट भएर लाग्न आग्रह गर्नुभयो। उहाँले देशको विकास, स्थायित्व र समृद्धिका लागि एमालेको भूमिका महत्वपूर्ण रहेको उल्लेख गर्दै जनताको विश्वास जित्ने गरी काम गर्नुपर्नेमा जोड दिनुभयो। संगठनलाई बलियो बनाउँदै घरदैलो र जनसम्पर्क कार्यक्रमलाई अझ प्रभावकारी बनाउनुपर्ने धारणा उहाँले राख्नुभयो।
कार्यक्रममा पर्सा क्षेत्र नम्बर–२ की उम्मेदवार रिमा यादवले जनताको सेवामा समर्पित भएर काम गर्ने प्रतिबद्धता व्यक्त गर्नुभयो। उहाँले स्थानीय विकास, रोजगारी सिर्जना, महिला सशक्तिकरण र युवा लक्षित कार्यक्रमलाई प्राथमिकतामा राख्ने बताउनुभयो। उम्मेदवार यादवले आगामी निर्वाचनमा सूर्य चिन्हमा मतदान गरी आफूलाई विजयी गराउन मतदातासँग आग्रह गर्नुभयो।
भेलामा सहभागी अगुवा तथा कार्यकर्ताहरूले उम्मेदवारलाई जिताउन घरदैलो, जनसम्पर्क तथा प्रचार–प्रसार अभियानलाई तीव्र बनाउने प्रतिबद्धता जनाएका थिए। स्थानीय स्तरमा संगठन विस्तार, मतदाता सचेतना र युवा परिचालनलाई प्राथमिकता दिने विषयमा पनि छलफल भएको थियो।

प्रकाशित मिति: मंगलबार, माघ २७, २०८२ १९:३५

प्रतिक्रिया दिनुहोस्