पर्सा मदिरा व्यवसायी संघद्वारा प्रशासनको निर्णयविरुद्ध गम्भीर आपत्ति

समाचार

गृहपृष्ठ
समाचार

पर्सा मदिरा व्यवसायी संघद्वारा प्रशासनको निर्णयविरुद्ध गम्भीर आपत्ति

choicekhabar बिहीबार, फागुन १४, २०८२

पर्सा मदिरा व्यवसायी संघले जिल्ला प्रशासन कार्यालय पर्साबाट जारी गरिएको ‘मदिरा व्यवसाय तथा बिक्री–वितरण बन्द’ गर्ने निर्णयविरुद्ध गम्भीर ध्यानाकर्षण भएको जनाएको छ ।। संघले आज प्रेस बिज्ञप्ती जारी गर्दै सो निर्णयको बिरोध गरेको हो । संघले यस निर्णयले व्यवसायीहरूको आर्थिक अवस्था थप कमजोर बनाउने जनाएको छ ।
“अहिले व्यवसायीहरूको अवस्था पहिले नै चुनौतीपूर्ण छ। वर्षभरिको कर तिर्ने जिम्मेवारी, बैंक तथा सहकारीको ऋण, परिवारको खर्च लगायत सबै भार हामीमाथि रहेको छ। अचानक पसल बन्द गर्न लगाइएको निर्णयले हाम्रो अवस्था गम्भीर संकटमा पार्नेछ।” संघले बिज्ञप्ती मार्फत उल्लेख गरेको छ ।

विशेषगरी होली जस्तो पर्वको समयमा धेरै व्यवसायीहरूले वर्षभरिको ठूलो कारोबार गर्ने तयारी गर्दै आएका थिए। संघले यस निर्णयले व्यवसायीहरूलाई आर्थिक जोखिममा पार्ने र राज्यलाई राजस्वमा असर गर्ने चेतावनी दिएको छ।

पर्सा मदिरा व्यवसायी संघले सम्बन्धित निकायसँग उक्त निर्णयको पुनर्विचार गर्न, व्यवसायीहरूको लगानी, अवस्था र चुनौतीहरूलाई मध्यनजर गर्दै उपयुक्त समाधान निकाल्न माग गरेको छ। साथै, संघले सम्पूर्ण व्यवसायीहरूलाई संयमित र एकताबद्ध भएर आफ्नो हक–अधिकारका लागि उभिन आह्वान गरेको छ।

प्रकाशित मिति: बिहीबार, फागुन १४, २०८२ १९:२५

प्रतिक्रिया दिनुहोस्