कावासोतीमा ५४ किलोमिटर साइकल यात्रा

समाज

गृहपृष्ठ
समाज

कावासोतीमा ५४ किलोमिटर साइकल यात्रा

choicekhabar शनिबार, साउन ५, २०८१

पूर्वी नवलपरासी — कावासोती साइक्लिंङ ग्रुपमा आबद्ध युवाहरुले एकै दिन ५४ किलोमिटर साइकल यात्रा गरेका छन् । शनिवार बिहान कावासोतीवाट सुरु भएको साइकल यात्रामा १ सय ५० जनाको सहभागित रहेको थियो। एउटै समयमा एकै पटक यति धेरै साइकलमा यात्रा गर्नेहरुको संख्या नेपालकै धेरै भएको आयोजकको दावी छ ।

ग्रुपका अध्यक्ष ज्योति श्रेष्ठका अनुसार साइकल यात्रामा १० वर्ष उमेर समुहका करिब १० जना थिए । उनीहरु आफ्ना अभिभावकसहित यात्रामा निस्केका हुन् । यो पटकको साइकल यात्रामा काठमाडौं र भैरहवाबाट समेत करिब १६ जनाको सहभागिता छ ।

कावासोतीको शिवालय मन्दिरवाट सुरु भएको साइकल यात्रा हुप्सेकोट गाउँपालिका मध्यबिन्दु नगरपालिका हुँदै नारायणी नजिकको रुटबाट फेरि दिउँसो २ बजे कावासोतीनै फर्किएको हो । रुट ब्यबस्थापनमा ट्राफिक प्रहरीले सघाएको अध्यक्ष ज्योति श्रेष्ठले जानकारी दिए । कावासोती क्षेत्रमा हरेक दिन बिहान साइकल यात्रुको लामो लस्कर देखिने गर्छ । उनीहरु एउटै लयमा लामबद्ध भएर हिड्ने गरेका छन् । साइकल यात्राले बजारमा साइकल चढनेहरुको क्रेज बढ्दै गएको र स्वाथ्य रहन सघाएको आयोजकले जनाएको छ ।

प्रकाशित मिति: शनिबार, साउन ५, २०८१ १४:२८

प्रतिक्रिया दिनुहोस्