मधेश प्रदेश सरकारले तत्काल राहत र उद्धारकालागि आठ जिल्लालाई एक/एक करोड दिने

समाज

गृहपृष्ठ
समाज

मधेश प्रदेश सरकारले तत्काल राहत र उद्धारकालागि आठ जिल्लालाई एक/एक करोड दिने

choicekhabar आइतबार, असोज १३, २०८१

वीरगञ्ज : तीन दिनको वर्षाका कारण भएको क्षतीमा राहत र उद्धारकालागि मधेश प्रदेश सरकारले हरेक जिल्लालाई एक रएक करोड रुपैया उपलब्ध गराउने भएको छ ।

मधेशमा बाढीबाट पूर्वाधारमा भएको क्षतीको पूर्ननिर्माणकालागि भौतीक पूर्वाधार विकास मन्त्रालयलाई तत्कालै पाँच करोड रकम उपलब्ध गराउने मुख्यमंत्री सतिश सिंहले बताएका छन । एकरएक करोड नदी नियन्त्रणमा खर्च गर्न भनिएको छ ।आइतवार बसेको मधेश मन्त्री परिषदको बैठकबाट यस्तो निर्णय भएको मुख्यमन्त्री सतिश कुमार सिंहले बताएका छन् ।

मुख्यमन्त्री सिंहका अनुसार आईतवारनै मधेश सरकारका गृह सञ्चार तथा कानुन मन्त्री राजकुमार लेखीको नेतृत्वमा प्रादेशिक सुरक्षा समितिको बैठक बस्न लगाएर मधेशको कुन वडामा कति क्षती भएको छ, वडा स्तरीय क्षतीका विवरण ल्याउन निर्देशन समेत दिइएको छ ।

सप्तरीमा कोशी नदीका कारण हनुमाननगर कंकालनी, रौतहटमा बागमति नदीका कारण राजदेवी नगरपालिका र सर्लाहीमा बकैया र बागमती नदीका कारण बलरा नगरपालिका सहितका पालिकाहरु अति प्रभावित भएको जानकारी गराउदै सुरक्षा निकायसंग समन्वय गरि हाई अर्लट गराएर राहत र उद्धारकालागि निर्देशन दिइुसकिएको मुख्यमंत्री सिंहले जनाए ।

मुख्यमंत्री सिंहले राहत र उद्धारकालागि सम्पूर्ण दातृनिकायहरुलाई खुल्ला आह्वान गरेका छन । उनले प्रभावित क्षेत्रमा पुग्न आग्रह समेत गरेका छन । मधेशको प्रभावित क्षेत्रमा स्वास्थ्य सेवा प्रदानका लागि पुग्न सम्बन्धित निकायलाई निर्देशन दिइएको मुख्यमन्त्री सिंहले बताए ।

प्रकाशित मिति: आइतबार, असोज १३, २०८१ १७:३२