वीरगंजमा गरीब तथा सीमान्त परिवारका बच्चाहरूलाई शिक्षाको अवसर प्रदान गर्न निःशुल्क कक्षा संचालन

समाचार

गृहपृष्ठ
समाचार

वीरगंजमा गरीब तथा सीमान्त परिवारका बच्चाहरूलाई शिक्षाको अवसर प्रदान गर्न निःशुल्क कक्षा संचालन

choicekhabar बुधबार, माघ १६, २०८१

दि हुमैन लभ च्यारेटि फण्डको आयोजनामा गरीब तथा सीमान्त परिवारका बच्चाहरूलाई शिक्षाको अवसर प्रदान गर्न निःशुल्क कक्षा संचालन गरेकोे छ । यसले समाजमा शिक्षाको प्रसार र विकासमा ठूलो भूमिका खेल्ने अपेक्षा गरिएको छ । बीरगंजको नेशनल कालेजमा सम्पन्न कार्यक्रमको प्रमुख अतिथि नेकपा (एमाले) मधेश प्रदेश कमिटी सदस्य सलाउदिन अहमदले उद्घाटन गर्दै यस अभियानलाई समुदायको शिक्षा र विकासमा ठूलो योगदान दिने बताए ।

कार्यक्रमको सुरुवातमा दि हुमैन लभ च्यारेटि फन्डका प्रतिनिधिले निःशुल्क कक्षा संचालनको उद्देश्य र यसको आवश्यकताको बारेमा व्याख्या गरेका थिए। उनले यस अभियानले गरीब तथा सीमान्त परिवारका बच्चाहरूलाई शिक्षाको अवसर प्रदान गर्ने बताउँदै यसले समाजमा शिक्षाको महत्वलाई बढाउने अपेक्षा गरे।

प्रमुख अतिथि अहमदले आफ्नो सम्बोधनमा यस्ता अभियानहरूले समाजमा सकारात्मक परिवर्तन ल्याउन सक्ने बताउँदै शिक्षा नै राष्ट्रको विकासको आधार हो भन्ने कुरामा जोड दिए। उनले स्थानीय सरकार, शिक्षकहरू र अभिभावकहरूलाई पनि यस अभियानलाई सफल बनाउन आवश्यक सहयोग गर्न आह्वान गरे। यस अवसरमा स्थानीय नेताहरू, शिक्षकहरू, अभिभावकहरू र विद्यार्थीहरू उपस्थित थिए ।

प्रकाशित मिति: बुधबार, माघ १६, २०८१ १७:२४

प्रतिक्रिया दिनुहोस्