प्रसौनी बिर्तामा निशुल्क आँखा शिविर सम्पन्न, ६३ जना मोतियाबिन्दुका बिरामीको माट्रिका आई फाउण्डेशमा निशुल्क शल्यक्रिया हुने

समाचार

गृहपृष्ठ
समाचार

प्रसौनी बिर्तामा निशुल्क आँखा शिविर सम्पन्न, ६३ जना मोतियाबिन्दुका बिरामीको माट्रिका आई फाउण्डेशमा निशुल्क शल्यक्रिया हुने

choicekhabar आइतबार, फागुन ११, २०८१

वीरगञ्ज– वीरगंज २३ प्रसौनी बिर्ता स्थित श्री नेपाल राष्ट्रिय आधारभुत बिद्यालयमा हिजो (शनिबार) निशुल्क आँखा शिविर सम्पन्न भएको छ । नेकपा एमाले वीरगंज वडा नम्बर २३ ईकाई कमिटीको आयोजना र माट्रिका आई फाउन्डेशन वीरगंजको प्राबिधिक सहयोगमा आँखा शिविर सम्पन्न भएको हो ।

निशुल्क आँखा शिविरलाई वीरगंज महानगरका पुर्व मेयर बिजय सरावगीले उद्घाटन गरेका थिए । ईकाई कमिटी अध्यक्ष लालबाबु यादवको अध्यक्षतामा सम्पन्न कार्यक्रममा नेकपा एमाले मधेश प्रदेशका सदस्य मेघराज पासवान, वडा नम्बर २३ का अध्यक्ष अवधकिसोर कुशवाहा लगायतकाले सम्बोधन गरेका थिए । कार्यक्रमलाई सम्बोधन गर्दै वडा अध्यक्ष कुशवाहाले निशुल्क आँखा शिविर मोतियाबिन्दुका बिरामीको निशुल्क शल्यक्रिया हुने जानकारी दिनुभयो । यसैगरी कार्यक्रमका प्रमुख अतिथी बिजय सरावगीले आँखा जस्तो संवेदनशिल अंगको हेरचाहमा खेलवाड नगर्न आग्रह गरे । उनले महानगरको मेयर हुदाँ आफुले ३२ वटै वडामा निशुल्क आँखा शिविर मार्फत एक हजार भन्दा बढिको निशुल्क आँखाको अप्रेशन गराएको बताए । उनले अहिले पनि बिभिन्न वडाहरुमा आँखा शिविर मार्फत आँखा चेकजाँचको कार्य भईरहेको र सोही अभियान अन्र्तत आज प्रसौनीमा पनि आँखा शिविर भईरहेको बताए । उनले आँखा शिविरमा भेटिएका मोतियाबिन्दुका बिरामीको निशुल्क अप्र्रेशन गरिने जानकारी समेत दिनुभयो ।

शिविरमा २०९ जना बिरामीको निशुल्क आँखा चेकजाँच गरिएकोमा ६३ जना बिरामीमा मोतियाबिन्दु फेला परेको वडा अध्यक्ष कुशवाहाले जानकारी गराए । मोतियाबिन्दुका बिरामीको आज (आइतबार) माट्रिका आई फाउन्डेशनमा अप्रेशन गरिने वडा अध्यक्ष कुशवाहाले जानकारी दिनुभयो । कार्यक्रममा जिल्ला कमिटी सदस्य लक्ष्मी पराजुली, पार्टीका वडा ईकाई कमिटी सचिव रेयाज अहमद अंसारी,उपाध्यक्ष कैलाश महतो लगायतको उपस्थिती थियो । कार्यक्रमको सहजीकरण राकेश साहले गरेका थिए ।

प्रकाशित मिति: आइतबार, फागुन ११, २०८१ १४:३०

प्रतिक्रिया दिनुहोस्