बरामा सार्वजनिक सुनवाइ कार्यक्रम सम्पन्न, स्थानियहरुद्वारा वडाका समस्याहरुको बिषयमा छलफल

समाचार

गृहपृष्ठ
समाचार

बरामा सार्वजनिक सुनवाइ कार्यक्रम सम्पन्न, स्थानियहरुद्वारा वडाका समस्याहरुको बिषयमा छलफल

choicekhabar आइतबार, फागुन २५, २०८१

दिपेन्द्र जयसवाल

बाराको कोल्हवी नगरपालिकाद्वारा प्रायोजित र रेडियो कोल्हवी १०४.१ मेगाहर्जको आयोजनामा सार्वजनिक सुनवाईको पहिलो चरणको कार्यक्रम सम्पन्न भएको छ ।
कोल्हवी नगरपालिका वडा न.६ मा रहेको श्री जनता माध्यमिक विध्यालय ककडी प्रसौनाको प्राङ्गणमा भएको सार्वजनिक सुनवाई कार्यक्रमको पहिलो चरण अन्तर्गत वडा न.३,५,६ र ८ का समसामयिक बिषयमा बृहत् छलफल भएको थियो ।
कार्यक्रमा उपस्थित भएका स्थानियहरुले आफ्ना वडाका समस्याहरुका बिषयमा प्रश्न सोधेका थिए भने त्यस सँग सम्बन्धित वडाका वडा अध्यक्षहरुले , प्रमुख प्रशासकिय अधिकृत पितानाथ लुइटेल र नगर प्रमुख राम प्रसाद चौधरिले जवाफ दिनुभएको थियो ।
कार्यक्रमको सभाअध्यक्ष्य रेडियो कोल्हविका संचालक ज्ञानु चौधरिले गरेका थिए भने प्रमुख अतिथीमा कोल्हवी नगरपालिकाको नगर प्रमुख रामप्रसाद चौधरी, विशिष्ठ अतिथीहरुमा नगर उपप्रमुख लक्ष्मी कुमारी चौधरी, प्रमुख प्रशासकिय अधिकृत पितानाथ लुईटेल, वडा न.३ का वडा अध्यक्ष किशुनदयाल चौधरी, ५ का वडा अध्यक्ष नन्दकिशोर चौधरी, ६ का वडा अध्यक्ष दिनेश चौधरी,८ का वडा अध्यक्ष अनुप सुवेदी र ने.क.पा एमालेका नगर अध्यक्ष पुरनदेव चौधरी, ईलाका.प्रहरी कार्यालय कोल्हवी,शसत्र प्रहरी बेश कोल्हवी,जनता मा.बि ककडिका प्र.अ चन्द्रदेव कुशवाहा लगायतका रहनु भएको थियो ।
कार्यक्रमको सहयोगी संस्था रेडियो पातालगंङ्गा कोल्हवी, कोल्हवी न्युज डट कम,ज्ञानु फाउन्डेसन र परिवर्तनको लागि युवा समाज कोल्हवी रहेको छ । कोल्हवी नगरपालिकाद्वारा प्रायोजन गरिएको सार्वजनिक सुनवाई चार चरणमा गरिने रेडियो कोल्हवीको प्रबन्धक अनिल प्रितले बताउनुभएको छ ।
सार्वजनिक सुनवाइ कार्यक्रम अब दोश्रो चरणमा कोल्हवी वडा न.९,१०,११ तेश्रो चरणमा कोल्हवी वडा न.४ र ७ र चौथो चरणमा कोल्हवी वडा न.१,२ रहने छ । भने सो कार्यक्रममा स्वागत मन्तव्य ईन्दिरा चौधरीले राख्नु भएको थियो ।

प्रकाशित मिति: आइतबार, फागुन २५, २०८१ १८:३६

प्रतिक्रिया दिनुहोस्