झण्डै २४ घण्टा पछि वीरगञ्जको ठाकुरराम बहुमुखी क्याम्पसको मतगणना शुरु

समाचार

गृहपृष्ठ
समाचार

झण्डै २४ घण्टा पछि वीरगञ्जको ठाकुरराम बहुमुखी क्याम्पसको मतगणना शुरु

choicekhabar बुधबार, चैत ६, २०८१

झण्डै २४ घण्टा पछि वीरगञ्जको ठाकुरराम बहुमुखी क्याम्पसको मतगणना शुरु भएको छ । व्यवस्थित मतगणनास्थल नहुँदा र निर्वाचन अधिकृत र क्याम्पस प्रशासनको लापरवाहीले गर्दा आज तोकिएको समयमा मतदान हुन नसकेको हो । निर्वाचन अधिकृत र क्याम्पस प्रशासनले उम्मेदवारको प्रतिनिधि नआएको बहाना बनाएर मतगणनामा आलटाल गरेका थिए ।
निर्वाचन अधिकृत र क्याम्पस प्रशासन कार्यशैलीको विद्यार्थीहरुले विरोध गर्न थालेपछि अहिले अपरान्हदेखि मतगणना शुरु गरिएको हो । दिउँसो निर्वाचन समितिले उम्मेदवारका जनप्रतिनिधिलाई मतगणना स्थलमा मोबाईल लान निषेध गरेपछि प्रतिनिधिहरुले भने मोबाईल लान पाउनुपर्ने भनेपछि विवाद भएको थियो ।

निर्वाचन समिति र क्याम्पस प्रशासनले मतगणना स्थलमा सीसीटीभी क्यामेराको पनि व्यावस्था नगरेको र प्रतिनिधिहरुले मोबाईल पनि लान नपाउने भए मतगणना स्थलको कम्पाउण्डसम्म सञ्चारकर्मीलाई बस्न दिनुपर्ने विद्यार्थी संगठनले माग गरेका थिए । तर, सञ्चारकर्मीहरुलाई पनि बस्न नदिने भनेपछि विवाद भएको थियो ।

पछि प्रमुख जिल्ला अधिकारी गणेश अर्याल र नेपाल पत्रकार महासंघ पर्सा शाखाको समन्वयले एकपटकमा पाँचजना सञ्चारकर्मीलाई मतगणना स्थलसम्म गएर फोटो खिच्न पाउने वातावरण बनाएपछि मतगणना शुरु भएको हो । अहिले मतपेटिका खोली सकिएको र मतगणनाको प्रकृया शुरु गरेको छ ।

मतगणना चाडै सम्पन्न गर्नका लागि चार ठाउँबाट मतगणना सुरु गरिएको ठाकुरराम बहुमुखी क्याम्पसको निर्वाचन समितिले जनाएको छ ।

प्रकाशित मिति: बुधबार, चैत ६, २०८१ १८:०४

प्रतिक्रिया दिनुहोस्