अधिवेशन सफल पार्न एमाले वीरगंज महानगरको तयारी तिव्र, चैत्र २३ गते प्रतिनिधि छनौट हुने

समाचार

गृहपृष्ठ
समाचार

अधिवेशन सफल पार्न एमाले वीरगंज महानगरको तयारी तिव्र, चैत्र २३ गते प्रतिनिधि छनौट हुने

राकेश साह आइतबार, चैत १७, २०८१

चैत्र २९ गते हुने नेकपा एमाले वीरगंज महानगरपालिकाको दोस्रो अधिवेशनको तयारी तिव्र गतिमा अघि बढेको छ । नेकपा एमाले वीरगंज महानगर ईन्र्चाज बिचारी यादवको प्रमुख आतिथ्यमा चैत्र १६ गते बसेको बैठकले दोस्रो अधिवेशन सफल पार्न बिभिन्न उपसमिती गठन गरि जिम्मेवारी तोकेको हो ।
बैठकले चैत्र २३ गते प्रतिनिधि छनौटको लागि बिनोद गिरीको संयोजकत्वमा समिती गठन गरेको छ । कम्तिमा प्रत्येक वडाबाट ३ जना प्रतिनिधि छनौट हुने जसमा एकजना महिला र एक जना दलित अनिर्वाय हुने र एक जना प्रतिनिधि अन्य समुदायबाट छनौट गर्ने निर्णय गरिएको छ ।
बैठकले महानगर अध्यक्ष राजेन्द्र यादवलाई मुल व्यवस्थापन ,प्रतिनिधि व्यवस्थापन र आर्थिक व्यवस्थापन समितीको संयोजकको जिम्मेवारी तोकेको छ । यसैगरी मञ्च व्यवस्थापन समितीको संयोजकमा सुन्दर कुर्मी, खाद्य व्यवस्थापन समितीको संयोजकमा अनवर अली र स्वंयसेवक समितीको संयोजकमा दिपक डंगोललाई जिम्मेवारी तोकेको छ ।
अधिवेशन सफल पार्न एमालेले वीरगंज महानगरको ३२ वटै वडाहरुमा एमालले तिव्र गतिमा तयारी थालेको छ । दोस्रो अधिवशेन चैत्र २९ गते बिहान ११ बजे क्लासिक पार्टी प्यालेशमा हुने छ ।

प्रकाशित मिति: आइतबार, चैत १७, २०८१ १७:०४

प्रतिक्रिया दिनुहोस्