वीरगंज गोल्डकपको दोस्रो संस्करण फागुन १७ देखि शुरु हुदै ,प्रथम हुने टिमले ११ लाख ११ हजार नगद पुरस्कार पाउने

खेलकुद

गृहपृष्ठ
खेलकुद

वीरगंज गोल्डकपको दोस्रो संस्करण फागुन १७ देखि शुरु हुदै ,प्रथम हुने टिमले ११ लाख ११ हजार नगद पुरस्कार पाउने

राकेश साह बिहीबार, फागुन १५, २०८१

भेट्रान्स सिटि क्लब वीरगंजको आयोजनामा यहि फागुन १७ गते देखि दोस्रो वीरगंज गोल्डकप २०८१ हुने भएको छ । आर्दशनगर रंगशालामा बिहिबार पत्रकार सम्मेलनको आयोजना गरि क्लबले वीरगंजको आर्दशनगर रंगशालामा गोल्डकप आयोजना गर्ने जनाएको हो । प्रतियोगितामा नेपाल र भारत गरि ८ वटा क्लबको सहभागिता हुने पत्रकार सम्मेलन मार्फत आयोजकले जनाएको छ । प्रतियोगितामा वीरगंज युनाईटेड , नेपाल पुलिस क्लब काठमाडौं, बागमती युवा क्लब सर्लाही, शहलेश फुटबल क्लब सिरहा, मछेन्द्र फुटबल क्लब काठमाडौं, गरवाहल डाईमण्ड फुटबल क्लब नयाँ दिल्ली भारत, एपिई पावर चर्च व्वाईज युनाईटेड काठमाडौ र संकटा फुटबल क्लब काठमाडौं सहभागि हुने क्लबका प्रथम उपाध्यक्ष सागर समसेर जबराले जानकारी दिए ।
प्रतियोगिता संचालनको लागि करिब एक करोड सात लाख ६५ हजार अनुमानित खर्च लाग्ने आयोजकले जनाएको छ ।
प्रतियोगितामा प्रथम स्थान हासिल गर्ने टिमले ११ लाख ११ हजार १ सय ११ रुपैया,दोस्रो स्थान हासिल गर्ने टिमले ५ लाख ५५ हजार ५ सय ५५ रुपैया,सर्वोकृष्ट खेलाडीलाई ईलेक्ट्रिक स्कुटी तथा ट्रफी, वेष्ट किपरलाई नगद २० हजार, वेष्ट कोचलाई २० हजार नगद पुरस्कारले दिने आयोजकले जनाएको छ ।
यसैगरी प्रत्येक दिनको खेलमा मैन अफ दि मैच हुने खेलाडीलाई नगद १० हजार पुरस्कारको व्यवस्था गरिएको छ । खेलाडीहरुको ५ लाखको दुर्घटना बिमा तथा ३ लाखको औषधि उपचार बिमा गरिएको छ । यसैगरी दर्शकहरुको पनि ५ लाखको दुर्घटन बिमा तथा दुई लाखको औषधि उपचार बिमा गरिएको भेट्रान्स सिटि क्लब वीरगंजका अध्यक्ष सबिन बस्नेत जानकारी दिए ।
क्लबका कोषध्यक्ष सुबोध श्रीवास्तवको अध्यक्षतामा सम्पन्न पत्रकार सम्मेलनमा अध्यक्ष सबिन बस्नेत,बरिष्ठ उपाध्यक्ष रोशन कुमार श्रेष्ठ, महासचिव पंकज श्रेष्ठ,सचिव भुषण यादव,सदस्यहरु निशान्त लामिछाने लगायतको उपस्थिती थियो । कार्यक्रमको सहजीकरण पत्रकार तिवारी यादवले गरेका थिए । प्रतियोगिताको पुर्व सन्धयामा शुक्रबार घण्टाघरबाट मोटरसाईक ¥याली निकालिने उपाध्यक्ष सागर शमशेर राणाले जानकारी दिए ।