सरकारलाई कर नतिरी ट्रायल सेन्टर संचालनमा, परीक्षार्थीसंग राजस्व असुली गर्दै

अर्थ

गृहपृष्ठ
अर्थ

ट्रायल सेन्टर सरकारलाई कर नतिरी ट्रायल सेन्टर संचालनमा, परीक्षार्थीसंग राजस्व असुली गर्दै

आरोहण शाह शुक्रबार, साउन ३२, २०८१

वीरगञ्ज : वीरगञ्जमा भेइकल्स एण्ड ड्राइभिङ्ग सोलुसन्स प्रालिले सरकारलाई कर नतिरी ड्राइभिङ्ग सोलुसन्स (ट्रायल सेन्टर) संचालन गर्दै आएको छ । वीरगञ्जको प्रसौनी स्थित रहेको भेइकल्स एण्ड ड्राइभिङ्ग सोलुसन्स प्रा.लि (लाइसेन्स ट्रायल सेन्टर)ले आर्थिक बर्ष २०७८/७९ देखी आन्तरिक राजस्व कार्यालयमा कर नतिरी ट्रायल सेन्टर संचालन गरेकोे समाचार स्रोतको दाबी छ । ड्राइभिङ्ग सेन्टरले दैनिक १ हजार भन्दा बढी मोटरसाइकल र कार जिपको ट्रायल गराएको बापत सेवाग्राहीहरुबाट ३ लाख भन्दाबढी राजस्व असुलि गर्दै आएको छ ।

यातायात व्यवस्था कार्यालय वीरगञ्जसंग २०७३ सालमा सम्झौता गरेर ट्रायल सेन्टर संचालनमा रहेको छ । आन्तरिक राजस्व कार्यालय वीरगञ्जमा आर्थिक बर्ष २०७८/७९ सम्मको मात्र राजस्व बुझाएको पाइएको छ । लाइसेन्सको लागि भेइकल्स एण्ड ड्राइभिङ्ग सोलुसन्स (ट्रायल सेन्टर)मा यातायात व्यवस्था कार्यालयले लिखित र ट्रायल परीक्षा लिने गरेको छ । सरकारलाई कर नतिरि ट्रायल सेन्टरले परीक्षामा सहभागी प्रत्येक परीक्षार्थीहरुसंग दररेट नै तोकेर राजस्व असुली गर्दे आएको छ । यता ट्रायल सेन्टरले कारको ट्रायलमा सहभागीहरुसंग ५सय ५० लिएर ४सय४९ को रसिद दिने गरेको छ ।

सो ट्रायल सेन्टरले सरकारले तोकेको मापदण्डमा नै पूरा नगरेको संचालनमा रहेको पाइएको छ । परीक्षार्थीले पैसा तिरेपनि ट्रायल सेन्टरमा राम्रो गाडी नभएकोले धेरै जसो फेल हुने गरेको छ । एक परीषार्थीका अनुसार ट्रायल दिन पुग्दा पैसा तिरेर ट्रायलमा सहभागी भइन्छ, तर त्यो ट्रायल सेन्टरमा न त खानेपानी व्यवस्था छ न त राम्रो सौचालयको व्यवस्ता छ । उनले भने, यती मात्र होइन यो चर्को गर्मीमा घण्टौ खुला घाममा लाईन बसेर पैसा तिरेर रसिद काट्नु पर्छ अनि ट्रायल दिन सेवाग्राहीहरु बाध्या हुन्छ ।

ट्रायल सेन्टरले निर्देशिकामा भएको व्यवस्था तथा मापदण्ड पालना नगरी ट्रायल सेन्टरहरु सञ्चालन गर्दा धेरै परीक्षार्थीहरु फेल हुने गरेको पाइएको छ । यस विषयमा मधेश प्रदेश सरकारको श्रम तथा यातायात व्यवस्था मन्त्रालयले तोकिएको व्यवस्था तथा मापदण्ड पालना नगरेको ट्रायल सेन्टरहरुलाई कारवाही गर्ने बताएको छ ।

प्रकाशित मिति: शुक्रबार, साउन ३२, २०८१ १८:०९

प्रतिक्रिया दिनुहोस्