नेपाल पत्रकार महासंघको निर्वाचनमा मधेस प्रदेशबाट अध्यक्ष पदमा श्याम बन्जाराको उम्मेदवारी दर्ता

समाचार

गृहपृष्ठ
समाचार

नेपाल पत्रकार महासंघको निर्वाचनमा मधेस प्रदेशबाट अध्यक्ष पदमा श्याम बन्जाराको उम्मेदवारी दर्ता

choicekhabar सोमबार, मंसिर २४, २०८१

वीरगञ्ज । नेपाल पत्रकार महासंघको आसन्न निर्वाचनमा मधेश प्रदेशबाट चौतारी र युनियनको साझा उम्मेदवार श्याम बन्जाराले अध्यक्ष पदमा आफ्नो उम्मेदवारी दर्ता गराएका छन् । उनले आफ्ना समर्थकहरूको साथमा उम्मेदवारी दर्ता गराउँदै महासंघलाई थप सशक्त र समावेशी बनाउन आफ्नो प्रतिबद्धता व्यक्त गरेका छन् ।

श्याम बन्जारा अहिले नेपाल पत्रकार महासंघ, मधेश प्रदेशका महासचिवको भूमिकामा छन् । यसअघि उनले पर्सा शाखाको अध्यक्षको जिम्मेवारी सम्हालीसकेका छन् ।

करिब दुई दशक लामो पत्रकारिता अनुभव बोकेका बन्जारा हाल जनभण्डाफोर दैनिक र च्वाइस खबरका अध्यक्ष तथा प्रबन्ध निर्देशकका रूपमा कार्यरत छन् भने उनी माई टेलिभिजनको प्रधान सम्पादक पनि हुन् ।

469548513_3896159013935982_4943855468898383812_n-1733738969.jpg

उनको उम्मेदवारी दर्ताका क्रममा नेपाल पत्रकार महासंघका केन्द्रीय सचिव दिपेन्द्र चौहान, प्रेस काउन्सीलका सदस्य लालबाबु शेख लगायत पर्साका पत्रकारहरूको उपस्थिति रहेको थियो । यसले बन्जाराको उम्मेदवारीलाई थप बलियो बनाएको देखिन्छ ।

मधेश प्रदेशमा चौतारी र युनियनको साझा उम्मेदवारीका रूपमा अघि सरेका श्याम बन्जाराले प्रदेशको पत्रकारिता क्षेत्रको विकास र पत्रकारहरूको हकहितका लागि आफ्नो प्रतिबद्धता दोहोर्याउँदै महासंघलाई थप प्रभावकारी बनाउनुपर्ने आवश्यकता औंल्याएका छन् ।

प्रकाशित मिति: सोमबार, मंसिर २४, २०८१ १५:५५

प्रतिक्रिया दिनुहोस्