सौराहा र हरपतगंजमा एमालेको वडा भेला, स्ववियु चुनावमा पवन यादवको प्यानललाई बिजयी गराउन र चैत्र ९मा हुने प्रशिक्षण कार्यक्रमलाई सफल बनाउन यादवको आग्रह

राजनीति

गृहपृष्ठ
राजनीति

सौराहा र हरपतगंजमा एमालेको वडा भेला, स्ववियु चुनावमा पवन यादवको प्यानललाई बिजयी गराउन र चैत्र ९मा हुने प्रशिक्षण कार्यक्रमलाई सफल बनाउन यादवको आग्रह

राकेश साह आइतबार, चैत ३, २०८१

वीरगंज वडा नम्बर १८ सौराहा र वडा नम्बर २० हरपतगंजमा नेकपा एमालेको वडा भेला सम्पन्न भएको छ । चैत्र ५ गते हुने स्ववियु चुनाव र चैत्र ९ गते वीरगंजमा हुने प्रशिक्षण कार्यक्रमलाई सफल बनाउन भेला सम्पन्न भएको हो ।

कार्यक्रमलाई सम्बोधन गर्दै वीरगंज महानगरका ईन्र्चाज एवं प्रमुख अतिथी बिचारी यादवले एमाले निकट अनेरास्ववियुका उम्मेदवार पवन यादवको प्यानललाई बियजी बनाउन आग्रह गर्नुभयो । उहाँले १२ हजार मतदाता रहेको ठाकुरराम कलेजमा एमालेका उम्मेदवारलाई बिजयी गराए मात्र कलेजको बिकाश हुने दावी गरे ।साथै यादवले एमालेका महासचिव शंकर पोखरेलको प्रमुख आतिथ्यमा चैत्र ९ गते हुने प्रशिक्षण कार्यक्रमलाई सफल बनाउन स्थानिय नेताहरुलाई निर्देशन दिनुभयो । उहाँले पार्टीलाई बलियो बनाउन वडा तहदेखि नै प्रशिक्षण आवश्यक रहेकोले चैत्र ९ मा हुने प्रशिक्षण कार्यक्रममा सहभागि हुन आग्रह गर्नुभयो ।
यसैगरी कार्यक्रमलाई सम्बोधन गर्दै नेकपा एमाले मधेश प्रदेशका सदस्य रामबाबु सिंहले ठाकुरराम कलेजको स्ववियु चुनाव आफनो पक्षमा पार्न आग्रह गरे । सिंहले पवन यादवको नेतृत्वमा उम्मेदवारी दिएका बिद्यार्थी नेताको जित नै एमालेको जित भएकोले सवैले आफनो ठाउँबाट सहयोग गर्न आग्रह गरे । साथै सिंहले चैत्र ९ गते हुने वीरगंजको कार्यक्रमलाई पनि सफल बनाउन पार्टीका नेता कार्यकर्तालाई आग्रह गरे ।
कार्यक्रममा वीरगंज महानगर अध्यक्ष राजेन्द्र यादव, वडा नम्बर २१ का ईकाई कमिटी अध्यक्ष अजय मेहता,वडा नम्बर २० का वडा अध्यक्ष रामकिसोर सिंह पराग ,युवा नेता बिक्की सिंह लगायतको उपस्थिती रहेको थियो ।

प्रकाशित मिति: आइतबार, चैत ३, २०८१ १७:०५

प्रतिक्रिया दिनुहोस्